World Teachers’ Day 2022
Desde aña 1994 ta celebra “World Teachers’ Day” riba dia 5 di october. Un fecha asigna pa promove e profesion Maestro di Scol y pone atencion na su rol esencial pa provee enseñansa di calidad riba tur nivel, segun UNESCO y Education International.
E transformacion di educacion ta cuminsa cu e Maestro/Docente
E tema di World Teachers’ Day pa aña 2022 ta: “The transformation of education begins with teachers”.
“Today, on World Teachers’ Day, we celebrate the critical role of teachers in transforming learners’ potential by ensuring they have the tools they need to take responsibility for themselves, for others and for the planet. We call on countries to ensure that teachers are trusted and recognized as knowledge producers, reflective practitioners, and policy partners.”
Aki por lesa e mensahe completo:
Aruba
Na Aruba, al rededor di 1400 Maestro y Docente ta dedica nan mes na enseñansa y educacion di nos yiunan. Un trabou importante y bunita, pero tambe di hopi responsabilidad y cu hopi reto.
Awe, na ocasion di World Teachers’ Day, Departamento di Enseñansa Aruba (DEA) ta uni su mes na organisacionnan rond mundo cu ta celebra, felicita y gradici e Maestro y Docente pa nan valioso trabou.
