World Teachers’ Day 2018
Desde aña 1994 ta celebra “World Teachers’ Day” riba dia 5 di october. Un fecha asigna pa promove e profesion Maestro di Scol y pone atencion na su rol esencial pa provee enseñansa di calidad riba tur nivel, segun UNESCO y Education International.
Na ocasion di “World Teachers’ Day” 2018 e mensahe di UNESCO na e comunidad global ta cu “Derecho na Enseñansa ta nifica derecho na maestronan cualifica.”
A scoge e tema aki den cuadro di e di 70 aniversario di e Declaracion Universal di Derecho Humano (1948), caminda ta reconoce enseñansa como un derecho fundamental. Un derecho cu nos no por logra sin maestronan cualifica. #WorldTeachersDay
Aruba
Na Aruba, al rededor di 1400 Maestro y Docente ta dedica nan mes na enseñansa y educacion di nos yiunan. Un trabou importante y bunita, pero tambe di hopi responsabilidad y cu hopi reto. E Maestro di Scol awendia tin un rol hopi mas amplio cu solamente para dilanti klas y traspasa conocemento. E mester duna guia, ta un bon ehempel, motiva y inspira e alumno mientras cu e sa traha cu recurso minimo y mester competi cu tecnologia moderno.
Awe, na ocasion di World Teachers’ Day, Departamento di Enseñansa Aruba (DEA) ta uni su mes na organisacionnan rond mundo cu ta celebra, felicita y gradici e Maestronan di Scol pa nan valioso trabou.
Mensahe di Minister di Enseñansa
Ciencia y Desaroyo Sostenibel
UNESCO
“With the adoption of the Sustainable Development Goal 4 on education, and the dedicated target (SDG 4.c) recognizing teachers as key to the achievement of the Education 2030 agenda, WTD has become the occasion to mark progress and reflect on ways to counter the remaining challenges for the promotion of the teaching profession.
As we celebrate World Teachers’ Day this year, we take this occasion to remind the global community that “The right to education means the right to a qualified teacher.” [read more]
Scroll To Top
