Vakantierooster 2019-2020 ta aproba
Departamento di Enseñansa ta informa cu e vakantierooster pa aña escolar / academico 2019-2020 y e ATV-dagen Onderwijspersoneel pa aña calendario 2020 ta aproba.
Vakantie di Scol
E procedura pa yega na vakantieroosters pa scol ta como lo siguiente:
Departamento di Enseñansa Aruba (DEA) ta e instancia responsabel pa traha e concept vakantierooster y stipula e ATV-dagen pa “Onderwijspersoneel”. Esakinan ta wordo formula cu e mucha den mente. Entre e liñanan di guia pa formula e rooster tin stipula cu e mucha tin derecho riba 60 dia di vakantie pa aña.
E concept vakantierooster siguientemente ta keda entrega na Dienst Inspectie van het Onderwijs, Directivanan di Scol y SIMAR pa nan por duna nan input. Finalmente e proposicion ta bay pa Minister di Enseñansa di Aruba pa aprobacion. Na momento cu tin e aprobacion di minister, e vakantierooster oficial ta keda publica y ta comunica esaki na tur e actornan envolvi como tambe na Departamento Recurso Humano (DRH) y instancianan manera SMAC, cu e peticion pa tene cuenta cu e rooster di scol den nan respectivo planificacionnan.
Pa e mesun motibo di planificacion DEA ta trata na procesa cada vakantierooster mas trempan posibel.
- Na aña 2015 a aproba y publica e vakantierooster pa aña escolar/academico 2017-2018 como tambe e ATV-dagen pa “Onderwijspersoneel” di añanan calendario 2017 y 2018.
- Na aña 2017 a aproba y publica e vakantierooster pa aña escolar/academico 2018-2019 como tambe e ATV-dagen pa “Onderwijspersoneel” pa aña calendario 2019.
Dia 29 di augustus 2018, Minister di Enseñansa, Ciencia y Desaroyo Sostenibel a aproba e vakantierooster pa aña escolar/academico 2019-2020 como tambe e ATV-dagen pa “Onderwijspersoneel” pa aña calendario 2020.
Aki por download e Vakantieroosters:
ATV-dagen y Dia di Fiesta Oficial
E ATV-dagen pa “Ambtenaren en Gelijkgestelden” ta keda stipula pa Departamento Recurso Humano (DRH) y e proposicion ta bay Ministerraad pa aprobacion.
E Dianan Oficial di Fiesta ta keda publica cada aña pa Departamento di Labor.
Na momento cu tin e aprobacion oficial esakinan tambe ta keda publica riba nos website.
Info / Contact
Pa mas informacion busca [V] Vakantie di scol den e alfabet menu riba nos homepage of por tuma contacto cu Departamento di Enseñansa Aruba (DEA)
Scroll To Top
