Minister di Enseñansa ta reuni cu partners y stakeholders
Minister di Enseñansa dr. Armando Lampe recientemente a cuminsa reuni cu diferente partners y stakeholders den enseñansa na Aruba.
University of Aruba
Dia 1 di december Minister di Enseñansa hunto cu director y funcionario di maneho di Departamento di Enseñansa a sinta na mesa cu Universidad di Aruba representa door di nan rector Glenn Thodé y business director Patrick Arens.
Instituto Pedagogico Arubano
Dia 30 di november e minister a ricibi e directora general di IPA, Marilyn Richardson hunto cu Berthson Boekhoudt, director di Estudionan Inicial di IPA.
Colegio EPI
Dia 4 di december minister dr. Lampe hunto cu funcionarionan di maneho di Departamento di Enseñansa a reuni cu representantenan di Colegio EPI: Ankie Danker (Directeur Bedrijfsvoering), Luis Rodulfom (unit coordinator S&S), Ryan Maduro (unit coordinator H&T), Carlos Martinus (unit coordinator C&T) y Gerald Kross (unit coordinator Economia).
Dienst Inspectie
Minister dr. Armando Lampe a haya un presentacion na Dienst Inspectie van het Onderwijs, na unda cu el a wordo ricibi pa sr. Hessen y su staff.
Dia 29 di november Minister di Enseñansa dr. Lampe a topa cu staff y personal di Bureau Leerplicht cu ta resorta bou di Dienst Inspectie van het Onderwijs.
Directivanan di Scol
SMOA
Dia 7 di december minister dr. Lampe a reuni cu representantenan di SMOA: Robert Croes, Stephan Spaandonk, Eric van der Biezen y sra. Boekhoudt-Wever.
SEPB
Minister dr. Lampe hunto cu Departamento di Enseñansa a sinta cu bestuur di SEPB: Robert “Bob” Nieuw, Giovanny Kock, Fred Gibbs y Shirley Pope.
SPCOA
Minister dr. Lampe conhuntamente cu su conseheronan di Departamento di Enseñansa a reuni cu directie y bestuur di SPCOA: Mimi Lampe, Randall Croes, Joost Loomans, Lilian Felter y Jolanda Meermans.
Organisacion di Cabesantenan di Enseñansa Basico
Dia 23 di november Minister di Enseñansa dr. Lampe a bishita e hoofdenoverleg “OCEB” (Organisacion di Cabesantenan di Enseñansa Basico). Esaki a wordo funda na aña 1993 cu e meta pa bin hunto pa señala y discuti puntonan di preocupacion relevante pa nos enseñansa basico. E reunion a tuma luga na Princes Amalia Basisschool, na unda cu e presidente saliente sr. Jani Stamper a pasa e martiu na Ivan Croes cu lo presidi e directiva nobo pa e proximo 2 aña escolar.
Dia 5 di december minister dr. Lampe a bolbe topa cu e bestuur di OCEB presidi pa Ivan Croes.
Biblioteca Nacional Aruba
Dia 27 di november Minister di Enseñansa a haci un bishita di cortesia na Biblioteca Nacional Aruba, na unda cu e directora Astrid Britten acompaña pa e directora suplente Lilian Semeleer a duna un relato di e situacion actual di nos Biblioteca Nacional y diferente departamento y servicionan cu ta resorta bou di nan.
Info / Contact
Pa mas informacion por busca [M] Minister – Ministerio di Enseñansa den e alfabet menu riba homepage of por tuma contacto cu Ministerio di Enseñansa
Scroll To Top
