Train de Trainer
Departamento di Enseñansa Aruba a cuminsa cu e proyecto di desaroyo y renobacion di Programanan di Estudio na EPI, EPB y OAA na November 2015.
 |
E proyecto ta encera modernisa y actualisa Educacion Profesional (beroepsgericht onderwijs) basa riba desaroyonan nacional y internacional. “Beroepsgerichte Kwalificatie Structuur” (BKS) y standardnan internacional lo sirbi como ‘Benchmark’ pa yega na un concepto nobo di Educacion Profesional.
Na Hulanda e BKS a keda ancra den ley desde 2012 cu e meta pa mehora e conexion entre Educacion Profesional y e mercado laboral y pa hisa e “doorstroom”, e cantidad di persona cu ta continua pa un siguiente nivel di enseñansa. Instrumentonan manera Erkenning van Verworven Competenties (EVC) lo forma parti di e renobacion y asina facilita e entrada y acceso na Educacion Profesional.
E concepto nobo lo dedica atencion na e conocemento, habilidad y actitud cu e studiante mester pa un miho conexion cu e necesidadnan di e mercado laboral. E concepto nobo ta encera un cooperacion estrecho entre Educacion Profesional y mercado laboral. E cooperacion aki lo yuda Educacion Profesional produci graduado nan cu ta cumpli cu e necesidadnan di mercado. Di e manera aki Educacion Profesional lo por contribui miho na e economia di Aruba.
 |
Durante Fase 1 di e proyecto a desaroya maneho y vision pa introduccion di Educacion Profesional na Aruba y na e institutonan EPI, EPB y OAA.
Durante Fase 2 di e proyecto representantenan di EPI, EPB y OAA y Departamento di Enseñansa Aruba a reuni cu mercado laboral pa ricibi feedback valioso di e cualificacion y competencianan cu cada funcion ta exigi y asina adapta e programanan segun locual mercado ta pidi pa asina renoba 10 programa di estudio segun “Beroepsgericht Onderwijsconcept” y standardnan internacional.
Alabes durante Fase 2 Departamento di Enseñansa Aruba a organisa 3 “Brainstorm Session” entre stakeholders di Educacion Profesional y mercado laboral. Adviesbureau CINOP di Hulanda a guia e sesionnan informando mercado laboral encuanto e progreso di e Proyecto. Tambe a sondea e posibilidad pa forma un plataforma di cooperacion entre Educacion Profesional y mercado laboral, na beneficio di e studiante. E resultado di e sesionnan ta indica cu mercado laboral ta hopi interesa den participa y contribui na un plataforma di cooperacion.
 |
Di dialuna 15 pa 23 di Augustus, 2016 Departamento di Enseñansa Aruba ta organisa e di tres fase di e proyecto cu lo prepara docente y ‘train-de-trainers’ pa duna enseñansa segun e concepto nobo di Educacion Profesional; un biaha mas Adviesbureau CINOP di Hulanda lo ta presente pa guia e trainingnan aki.
Departamento di Enseñansa Aruba ta gradici tur hende pa nan sosten y ta desea tur actornan hopi suerte cu e siman di training pa cu e proyecto importante aki.
Info / Contact
Pa mas informacion por busca den e alfabet menu riba pagina principal:
Scroll To Top
