Supervision di Enseñansa
Inspeccion ta e organo di control y di conseho di Ministro di Enseñansa. Control riba enseñansa ta na encargo di Minister di Enseñansa. Seccion di Inspeccion ta consisti di inspectornan pa enseñansa primario, enseñansa general avansa y enseñansa profesional. Apesar cu tin diferente tipo di enseñansa, e punto di salida di Inspeccion ta cu trabou di control di inspectornan ta riba un solo liña y cu mester haci’e segun e “Toezichtkader” (cuadro di control). Esaki ta nifica cu tur inspector por reemplasa otro.
Tareanan principal
Inspeccion tin como tareanan principal:
- Stimula scolnan pa traha na cuido di calidad;
- raporta y duna conseho tocante e desaroyonan señala;
- evalua calidad di enseñansa;
- y vigila cumplimento di e reglanan legal cu ta regarda enseñansa.
Si nos wak e tereno amplio di trabou di Inspeccion, anto por categorisa e trabounan bou di e siguiente rubricanan: Administrativo, Huridico/Organisatorio, Habilidad di Enseñansa, Control, Evaluacion, Estimulo, Raporta, Conseho, Representativo, Consulta, Coordinacion, Promove Expertisio, Prepara Maneho y Intermedia.
Tipo di e trabounan di inspector ta trece cun’e cu mester por tin un bista riba un tereno amplio dentro di henter e proceso di enseñansa. Inspeccion tin control y evaluacion di enseñansa di cada scol tanto na nivel micro como macro. Ta trata aki di sucesonan na nivel di e alumno te na colabora pa prepara legislacion pa enseñansa den su totalidad cu e meta pa vigila e calidad y promove calidad di enseñansa.
Pa mas informacion por tuma contacto cu Dienst Inspectie van het Onderwijs.
Documento & Publicacion
- Modernisacion di ley di enseñansa (3/21/2024)
- Jaarverslagen Inspectie van het Onderwijs (doc) (10/20/2023)
- Inspectie: Onderzoekskader (doc) (9/20/2023)
- TWO Onderlinge Regeling en Uitvoeringsagenda’s Aruba (doc) (4/4/2023)
- Doorlichting van het Arubaanse Onderwijsbestel (doc) (4/2/2023)
- Anuncio: Dienst Inspectie y Bureau Leerplicht cera algun dia (12/21/2022)
- Bureau Leerplicht cu orario adapta (10/7/2022)
- Certificacion di diploma (7/8/2022)
- Onderwijs in transitie (doc) (2/7/2022)
- Presentacion virtual di Maneho di Enseñansa 2021-2025 (1/31/2022)
Info / Contact
Dienst Inspectie van het Onderwijs
Scroll To Top
