Studiantenan den proceso pa haya Arubalening mester habri cuenta di studiante na banco local
Preparacion pa esnan cu lo sigui studia ta inclui varios rekisito importante cu tin cu wordo regla mas pronto cu ta posibel.
Cuenta di banco local
Un di e rekisitonan ta habri un cuenta di studiante na un di nos banconan local (si e studiante no tin esaki ainda).
Ta asina cu na momento cu e studiante haya su Arubalening, esaki ta wordo pasa riba un cuenta di banco local na nomber di e studiante. E cuenta por ta hunto cu un mayor pero e mester ta primeramente na nomber di e studiante.
Den caso cu ta bay studia den exterior, mester pidi banco pa haci esaki un “Non Resident Student Account”. Lo por haci esaki mesora ya ta evita di tin cu bolbe pa haci cambio.
Upload den Arubalening Portal
Manera cu e cuenta di banco ta cla, e studiante tin cu upload un prueba di e cuenta aki den su account den e Arubalening Portal. Riba e prueba nos mester por wak e nomber di banco, nomber di e studiante y tambe e number di cuenta.
Tin banco ta pidi pa un carta di prueba (verklaring) cu e studiante lo bay haya Arubalening pa asina nan por habri e cuenta di banco pa e studiante. E studiante por pidi e verklaring aki via e number di WhatsApp di Arubalening 594 4140 (solamente pa WhatsApp). Ora di manda mensahe pidiendo e carta pa banco, no lubida di pone bo datonan personal (nomber completo y fecha di nacemento) pa asina DEA por traha e verklaring.
E preparacionnan cu tin cu haci prome cu sali pa exterior como studiante ta hopi, pero si cuminsa cu nan trempan por keda cla cu tur na tempo.
Info / Contact
Pa mas informacion relaciona cu Arubalening por busca den e alfabet menu riba nos pagina principal:
Por tuma contacto cu:
Sigui nos via e social media pages:
- DEA facebook: @educationaruba
- DEA instagram: @educationaruba
