Studiantenan den dialogo cu minister Yrausquin (parti 2)
Den Haag – Recientemente Minister Plenipotenciario Juan David Yrausquin a tene un serie di encuentro cu e studiantenan di Aruba na Hulanda. E ultimo encuentronan a tuma lugar na Enschede, Amsterdam, Utrecht y Rotterdam.
 |
| Potretnan cortesia di Gabinete di Aruba |
Enschede Deventer y Zwolle
Casi mita di e grupo di studiante cu ta studiando na Enschede, Deventer y Zwolle a mustra un interes grandi pa topa cu Minister Plenipotenciario Juan David Yrausquin. E studiantenan a aprecia e manera habri y personal cu Minister Yrausquin ta combersa cu nan riba nan estudio y nan bida como studiante na Hulanda. Hopi punto a bin dilante durante e combersacionnan cu Minister Yrausquin a hiba na cada mesa cu e studiantenan.
 |
E studiantenan a tuma nan tempo pa hiba un dialogo constructivo cu Minister Yrausquin pa asina e mandatario por haya mas dato posibel pa haci un analisis di e situacion real cu ta biba bou di e studiantenan. Asina e por bin cu un plan di accion pa segura cu e studiantenan ta termina nan estudio cu exito. Esaki ta un punto cardinal pa Minister Yrausquin den su maneho pa brinda mas sosten na nos studiantenan.
Un punto cu a resalta durante di e encuentro ta cu e grupo di studiante ta hopi close cu otro. Esaki ta debi cu e grupo ta chikito, pero tambe cu e lasonan entre e studiantenan y e miembronan di e Plaatselijke Opvangcommissie (POC) ta bastante estrecho. Hopi studiante a duna di conoce cu nan a wordo yuda hopi bon mes pa POC y tambe cu semper cu nan tin un pregunta nan por acerca cualkier miembro di e POC pa contesta of asistencia. Sigur por bisa cu esaki ta bon ehempel con studiantenan entre nan ta yuda otro.
 |
Manera tabata e caso na e otro encuentronan algun studiante a bai live via di Facebook pa conta riba nan experencia como studiante na Hulanda y special tocante di Enschede, Deventer of Zwolle. Hopi tips a keda duna na e muchanan cu ta preparando pa e aña aki bin Hulanda, manera con pa prepara bo mes mas mihor posibel riba un estudio na Hulanda of con pa inscribi bo mes pa tin e sigurancia pa haya un camber na tempo.
Amsterdam
Un anochi sumamente informativo, constructivo y ameno. Asina Minister Plenipotenciario Juan David Yrausquin a califica su encuentro cu studiantenan na Amsterdam. Un grupo di casi di 50 studiante a bisa di a aprecia e oportunidad pa topa y papia cu Minister Yrausquin.
 |
Na comienso di e encuentro Minister Yrausquin a bisa di ta contento cu hopi studiante a responde positivo riba su invitacion pa e anochi aki. E mandatario a bisa di a bin na e encuentro aki cu un solo meta y esaki ta pa scucha kico ta biba bou di e studiantenan Arubiano en general, pero e biaha aki particularmente bou di esnan cu ta studia na Amsterdam.
Minister Yrausquin a tuma tempo pa a pasa na cada mesa y a sinta papia y scucha loke e studiantenan tin di bisa riba nan bida como studiante.
Durante di e anochi mescos cu varios otro studiante a haci anteriormente na otro encuentro, algun studiante a bai live via di Facebook pa conta riba nan experencia como studiante na Hulanda y special tocante di Amsterdam. Hopi tips a keda duna na e muchanan cu ta preparando pa e aña aki bin Hulanda, manera con pa prepara bo mes mas mihor posibel riba un estudio na Hulanda of con pa inscribi bo mes pa tin e sigurancia pa haya un camber na tempo.
 |
Tambe e studiantenan a comenta riba e bida estudiantil na Amsterdam cu ta un ciudad grandi, pero cu Amsterdam tin un caracter hopi internacional. Esaki debi cu tin hopi hende di diferente nacionalidad ta biba y traha na Amsterdam.
Utrecht
E grupo significante di studiante cu ta studiando na Utrecht tambe a mustra un interes grandi pa topa cu Minister Plenipotenciario Juan David Yrausquin. E studiantenan a bisa di ta sumamente contento pa tin e oportunidad aki pa topa cu e mandatario y ta bunita pa mira cu e Minister ta pone hopi dedicacion den scucha con nan ta pasando como studiante Arubiano na Hulanda.
 |
E studiantenan a tuma nan tempo pa hiba un dialogo constructivo cu Minister Yrausquin pa asina e mandatario por haya mas dato posibel pa haci un analisis di e situacion real cu ta biba bou di e studiantenan. Asina e por bin cu un plan di accion pa segura cu e studiantenan ta termina nan estudio cu exito. Esaki ta un punto cardinal pa Minister Yrausquin den su maneho pa brinda mas sosten na nos studiantenan.
Durante di e encuentro aki mescos cu e otronan algun studiante a bai live via di Facebook pa conta riba nan experencia como studiante na Hulanda y special tocante di Utrecht, unda nan ta studia. Hopi informacion a wordo duna, tambe hopi tips na e muchanan cu ta preparando pa e aña aki bin Hulanda pa sigi un estudio avansa. Un bunita initiativa di e studiantenan mes y esaki sigur lo yuda e muchanan aun mas riba nan preparacionnan pa nan bida como studiante na Hulanda. Final e bisa cu e Plaatselijke Opvangcommissie di Utrecht tin nan mesun Facebook unda tur cu ta interesa pa bai studia na Utrecht por haya informacion y haci nan pregunta.
Rotterdam
Akinan Minister Plenipotenciario Juan David Yrausquin un biaha mas a papia di su meta cu tur e encuentronan aki, cu ta scucha loke e studiante Arubiano na Hulanda ta pasando den dje. Mescos cu tabata e caso na e encuentronan anterior Minister Yrausquin a tuma tempo pa a sinta papia y scucha loke e studiantenan tin di bisa riba nan bida como studiante. Hopi topico a keda trata di cual Minister Yrausquin lo bai pone nan den un plan di accion pa brinda mas sosten na nos studiantenan.
 |
E siguiente paso ta pa bin cu puntonan di accion riba corto y largo plazo a base di e feedback cu Minister Yrausquin a haya di e studiantenan durante e diferente encuentronan.
Como parti clave di e anochi aki tabata e momento cu algun studiante a bai live via di Facebook pa conta riba nan experencia como studiante na Hulanda y special tocante Rotterdam como ciudad pa studia y biba. Nan a duna hopi tips na e muchanan cu ta preparando pa e aña aki bin Hulanda pa sigi un estudio avansa. Esakinan a varia di e preparacion na Aruba, con pa mehora bo Hulandes y e nesesidad pa mas tempran posibel busca un camber, cu no tur ora ta facil, pero cu ta exigi accion di e studiante.
 |
Na final di e encuentronan e studiantenan di e ciudadnan ariba menciona a expresa nan satisfaccion riba e initiativa di e Minister pa cu e encuentronan aki y alabes nan a gradici e mandatario pa e invitacion.
Info | Contact
Pa mas informacion por busca den e alfabet menu riba homepage: [Studia na Hulanda] of por tuma contacto cu: [Kabinet van de Gevolmachtigde Minister van Aruba – Arubahuis]
Scroll To Top
