Retonan di infrastructura
Recientemente e Minister encarga cu Enseñansa, sr. Endy Croes, a reuni cu Director di DOW, sr. Marlon Croes, pa analisa e problemanan di infrastructura cu tin na diferente scol.
Fuente: Isla Online
Ya pa algun tempo tin diferente scol manera Reina Beatrix, Colegio Frere Bonifacius y Sint Aloysius, cu ta reparti den mas cu un edificio, cual no ta e mihor atmosfera pa duna y ricibi les. Minister Croes tin atencion pa e situacion aki, pa cual e siman aki lo sigui traha riba posibel solucionnan di acuerdo cu fondonan cu por aloca.
“Ohala cu por yega asina leu cu den e lunanan nos dilanti por anuncia un solucion concreto pa e situacion di infrastructura den enseñansa,” Minister Croes a enfatisa. E mandatario a termina bisando cu lo sigui traha duro pa yega na soluciona e diferente retonan cu tin den cuadro di e vision cu tin pa enseñansa.
Info / Contact
Pa mas informacion por busca den e alfabet menu riba e pagina principal:
Pa informacion di contacto:
Scroll To Top
