Scol Piloto
Pa por sigui tur desaroyo den e Scol Multilingual di cerca y guia e scolnan cu ta introduci e programa multilingual debidamente, a scoge pa cuminsa prome cu dos scol preparatorio y dos scol basico. E scolnan aki ta evalua e material y ta duna nan opinion riba e programa y e sosten cu nan ta ricibi, pa asina tin espacio pa por haci coreccion na tempo.
Scol preparatorio
E scolnan preparatorio cu ta participa na e Proyecto Scol Multilingual ta:
-
Trupial Kleuterschool
-
Colegio Conrado Coronel
A introduci e programa multilingual den e dos scolnan preparatorio aki desde aña 2009.
Scol basico
E scolnan basico cu ta participa na e Proyecto Scol Multilingual ta:
-
Colegio San Hose
-
Colegio Conrado Coronel
Desde augustus 2012 a introduci e programa multilingual den klas 1 di e dos scolnan basico aki.
Ta tene contacto regular cu e scolnan preparatorio y basico pa asina por monitorea di cerca con e programa ta desaroya na nan scol y pa prepara e maestronan pa loke ta sigui ainda den e proximo añanan.
A base di e experiencia den e scolnan piloto ta prepara e programa final y un trayecto di implementacion ahusta pa por cuminsa implementa e programa multilingual den otro scolnan preparatorio y basico tambe.
Scroll To Top
