Prome reunion Plataforma 1
Recientemente a tuma luga e prome reunion di Plataforma 1 pa e aña escolar 2024 -2025. Plataforma 1 ta consisti di miembronan di Departamento di Enseñansa Aruba (DEA), tur dies (10) directiva di scol y Minister di Enseñansa.
Plataforma 1 ta reuni pa trata diferente topico cu ta di vital importancia pa enseñansa. Durante e encuentro, a pidi e directivanan di scol pa encurasha e maestronan pa intercambia nan e-mail cu e persona cu ta atende cu Land Academy Aruba, Matrix y Center for Teaching Excellence di University of South Carolina cu ta brinda e maestronan e oportunidad pa gratuitamente haci diferente curso pa profesionalisa nan mes. Pues, ta trata di tres (3) plataforma digital, unda e docentenan por registra pa sigui profesionalisa nan mes den nan mesun tempo y ricibi un certificado na final.
Ademas di esaki, a trata e proyecto di Studentenkamer cu ta planea pa tuma luga dia 26 di september proximo pa e hobennan cu ta continua cu nan estudio avansa sea na Hulanda of Merca.
Fuera di esaki, a trata e tema di accounting protocol, cual ta recomendacion 10 di e Doorlichtings Rapport cu ta drenta na vigor na luna di januari 2025.
Pa conclui, nos ta desea e dirigentenan di e scolnan di Aruba hopi exito e aña escolar 2024 – 2025. Alabes a gradici nan pa ta presente na e reunion.
Fuente: facebook.com/endycroess
