Prome Minister: Diabierna scolnan ta habri bek
Prome Minister (Wever-Croes) durante un conferencia di prensa diahuebs 30 di juni 2022 a informa cu diabierna dia 1 di juli scolnan ta habri bek.
“No tin necesidad pa tin e scolnan cera diabierna” e minister a informa. Crisis Team tabata den contacto cu e Directivanan di Scol unda mayoria a indica cu nan por y kier cuminsa bek diabierna pa atende cu trabounan pendiente. Pues ta bay bek na normalidad y diabierna scolnan ta habri bek.
Por wak e conferencia di prensa di diahuebs 30 di juni 2022 aki:
Prome Minister: Ta cera scol pa motibo di tormenta tropical
28 di Juni 2022
Prome Minister (Wever-Croes) durante un conferencia di prensa diamars 28 di juni 2022 a informa cu ta cera tur scol diahuebs dia 30 di juni y diabierna dia 1 di juli 2022.
Prome Minister den nomber di Gobierno di Aruba a informa con ta preparando pa e mal tempo cu ta acercando. Mirando cu ta fin di aña escolar, un di e decisionnan cu a tuma di awor caba ta pa cera scol e dos dianan menciona.
Por wak e conferencia di prensa di diamars dia 28 di juni 2022 aki:
