Progreso proyecto JFK despues di candela
Na final di juli 2012 DOW a haci entrega di e documentonan oficial di e proyecto di construccion y renobacion di e edificio di John F. Kennedy pa Enseñansa y Cultura na Stichting Onroerend Goederen Aruba (SOGA).
 |
Ta spera cu e destaho publico lo tuma luga e aña aki ainda maske cu tawata tin un candela cu a tuma luga den e edificio na luna di juni 2013.
Sr. Junior Tromp di e Infra-team a informa sr. Danny Maduro, di seccion Onderwijsfaciliteiten di Departamento di Enseñansa cu nan ta bezig cu e landsverordening na Directie Wetgeving y e meta ta pa ora esey keda cla nan pasa e stuk na Staten e aña aki ainda. Despues di un destaho publico e plan ta pa Dienst Openbare Werken (DOW) cuminsa cu e renobacion di biaha, cu ta proyecta pa cuminsamento di 2014.
DOW ta haciendo cierto adaptacion riba e mapa mirando cu e parti cu a kima lo mester wordo basha abou pa despues traha un edificio nobo na su luga. Segun sr. Maduro e parti cu a kima no lo bay tin influencia riba e proceso y e fecha stipula pa cuminsa cu e renobacion.
Na e momentonan aki DOW riba orden di Minister di Infrastructura, sr. Benny Sevinger, a cuminsa cu trabounan di cera y tapa e parti dilanti di e edificio.
Den Prensa
Articulo | 24ora.com
- Prome Minister Eman: Scol John F. Kennedy a hunga un rol central y intense den nos sociedad
- Minister Arthur Dowers: Proyecto John F. Kennedyschool ta apoya desaroyonan pa loke ta calidad di enseñansa y servicio
Info / Contact
Pa mas informacion por busca [J] John F. Kennedy Education Center den e alfabet menu riba homepage.
Scroll To Top
