Presentacion virtual di Maneho di Enseñansa 2021-2025
Minister di Enseñansa (Croes) lo duna un presentacion den forma virtual di e Maneho pa Enseñansa 2021-2025, diamars 1 di februari 2022 di 4 or pa 5 or di atardi.
Recientemente a presenta e maneho aki na tur dies Directiva di Scol como tambe na Parlamento di Aruba den e “Vaste Commissie Onderwijs”. Awo ta momento pa veld di Enseñansa por mira e maneho titula “Enseñansa den Transicion”.
Unda por wak e presentacion
E presentacion lo wordo transmiti na television via Canal 22 y Telearuba canal 23, como tambe via pagina di Facebook di entre otro Gabinete Wever-Croes, Departamento di Enseñansa Aruba, Minister Endy Croes y varios otro plataforma.
Durante e presentacion lo comparti un number di Whatsapp cu ta brinda oportunidad pa haci pregunta na final.
Invitacion ta bay na henter pueblo pero specialmente na e veld di Enseñansa pa sigui e presentacion virtual diamars awor cuminsando pa 4 or di atardi.
Info / Contact
Pa mas informacion por busca den e alfabet menu riba homepage:
Por tuma contacto cu:
Scroll To Top
