E motibo pakico a scoge pa NOP 2030 ta paso pais Aruba a compromete su mes na e Sustainable Development Goals di UNESCO (SDG’s) cu tin aña 2030 como aña meta. E NOP ta vision di nos pais cu ta e base pa e rumbo cu ta bay cu enseñansa pa e añanan nos dilanti. Durante e periodo te cu 2030, lo guia y evalua segun e deserayonan di nos pais.
E proceso di NOP 2030 ta consisti di diferente fase. Tur docente y maestro por haya informacion na tur momento via e website Enseñansa Aruba [ea.aw].
Di 9 te 13 di october 2018 lo organisa un siman di NOP 2030 pa informa pueblo di Aruba tocante enseñansa en general y lo tin oportunidad pa duna input durante diferente actividad rond di Aruba y tambe participa na un encuesta tocante enseñansa pa asina duna aporte na e NOP 2030.
Na luna di december 2018 e plan lo wordo entrega oficialmente na Minister di Enseñansa, mr. Lampe. Na luna di januari 2019 lo traha riba e plan di implementacion di e NOP 2030.
