Nationale Doorstroomtoets
Kico ta un Nationale Doorstroomtoets?
- E doorstroomtoets aki ta midi e habildadnan di un alumno den area di ‘taal ’y ‘rekenen’. Esaki tin como meta pa indica e nivel di enseñansa secundario cu ta pas mas miho cu e alumno;
- E ta wordo yama nacional pasobra tur alumno den klas 6 di scol basico ta haci e mesun toets na mesun momento.
Dicon tur mucha den klas 6 mester participa na e doorstroomtoets?
- Como cu tur mucha mester sigui nan carera escolar na un scol secundario, un escogencia mester wordo haci pa asina e alumno por tin un carera escolar mas fructifero posibel;
- E doorstroomtoets tin como meta pa ta un instrument obhetivo pa sosente e ‘schooladvies’ duna door di e scol basico;
- Mirando cu e ta un ‘momentopname’ e ‘doorstroomtoets’ no ta e unico informacion cu ta wordo uza pa e escogencia di e carera escolar di e hoben.
Kico ta pasa si e resultado di e doorstroomtoets indica un otro nivel di enseñansa secundario cu e schooladvies duna anteriormente?
- E maneho di pais Aruba ta indica cu e ‘doorstroomtoets’ ta un instrument pa sostene e ‘schooladvies’;
- den caso cu tin diferencia, ta e nivel cu ta mas halto ta esun cu ta determina cua nivel e alumno por bay.
Un scol secundario por nenga mi yiu di drenta a base di e resultado di e doorstroomtoets?
- Ley (Landsbesluit dagscholen v.w.o., h.a.v.o., ma.v.o. (AB 1999 No.62) ta stipula cu cada directiva di scol (schoolbestuur) tin e derecho di stipula su mesun criteria pa acepta alumno;
- Den practica esaki kiermen cu un directiva di scol por exigi cu e alumno tin pa tanto e ‘doorstroomtoets’ como e ‘schooladvies’ e mesun resultado;
- Den un caso asina e alumno mester bay un otro scol secundario di mesun nivel cu ta cay bou di un otro directiva di scol cu si ta acepta e alumno.
Noticia
Scroll To Top
