Minister ta ricibi Rapport “Quality of life of Aruban Youth”

October 13, 2021

E rapport ta encera un estudio piloto relaciona cu salud, bienestar y comportacion riesgoso di hoben di 10 pa 13 aña den e contexto escolar.

Pa e estudio cualitativo a participa diesun scol, representado tur organisacion escolar reparti den e diferente barionan di e isla. A realisa entrevista cu e maestronan (klas cinco y seis), management di e scolnan y otro partido di interes.

Pa estudio cuantitativo, a realisa encuesta autoadministra na diesun (11) scol representando e diferente organisacionnan escolar reparti den e diferente barionan di e isla.

E rapport cu ta contene e resultadonan di e estudio y recomendacionnan di Dr. Paula Kibbelaar y Dr. Anne-Marie Slotboom a keda entrega na e minister encarga cu enseñansa (Croes) y na e minister encarga cu husticia y asuntonan social (Tjon). E rapport aki sigur ta bay haya su atencion cerca ambos minister, pa asina garantisa e calidad di bida di nos hobennan di Aruba.

Fuente: Isla Online