Minister Armando Lampe a bishita Gabinete di Aruba
Den Haag – Minister di Enseñansa, Ciencia y Desaroyo Sostenibel dr. Armando Lampe a haci un bishita oficial na Gabinete di Aruba.
Minister Lampe a keda ricibi pa Minister Plenipotenciario Guillfred Besaril, Representante di Aruba na Union Europeo Eddy Paris, director a.i. mr. Glenn Ling, personal di Gabinete di Minister Plenipotenciario y ATA Europa. E mandatario a wordo acompaña pa miembro di Staten pa RED Ricardo Croes.
Minister Lampe ta na Hulanda pa un bishita di trabao. Minister Lampe a gradici Minister Besaril y e personal di Gabinete di Aruba pa e caluroso recepcion. Tambe e mandatario a enfatisa e tremendo sosten cu ela ricibi for di Gabinete di Aruba pa cu su reunionnan na Hulanda.
 |
| Potret cortesia di Arubahuis |
Minister Lampe a bisa cu tin hopi plan riba mesa pa loke ta trata enseñansa y cu sigur e ta kere cu Gabinete di Aruba lo ta un instrumento importante den ehecucion di e vision y plannan aki.
Di su banda Minister Plenipotenciario Guillfred Besaril a bisa di ta contento di tende cu Arubahuis ta ricibi e reconocimento pa ta un organisacion profesional cu e unico meta pa traha na brinda un servicio excellente na mandatarionan y parlamentarionan durante di nan bishita na Hulanda.
Info / Contact
Pa mas informacion por tuma contacto cu: [Kabinet van de Gevolmachtigde Minister van Aruba – Arubahuis]
Scroll To Top
