Minister di Enseñansa ta reuni cu DEA
Recientemente Minister di Enseñansa (Croes) a reuni cu director di Departamento di Enseñansa Aruba (Proveyer) y director suplente (Maduro), unda a trata difrente punto importante relaciona cu enseñansa na Aruba.
Anne-Marie Proveyer (director DEA), Sheila Maduro (director suplente), Endy Croes (Minister di Enseñansa)
Un di e topiconan cu a dialoga riba dje ta e “Plataforma di Enseñansa y Labor” (PEL). Minister Croes a haya informacion di e avancenan di e proyecto aki cu tambe ta forma parti di un di e recomendacionnan di e “Doorlichting van het Arubaanse Onderwijsbestel”.
Otro tema cu a trata durante e reunion ta e introduccion di metodo di lesa pa “Speciaal Onderwijs” cu Scol Dununman mes a desaroya. Departamento di Enseñansa tin cu aproba esaki y asina percura pa e scol haya e fondonan necesario pa inverti den e metodonan di lesa.
Tambe a dialoga brevemente riba “Samengezond opleiding” di “doktersassistent” y “apothekersassistent”.
Finalmente a elabora den liñanan grandi riba tur recomendacion di Doorlichting van het Arubaanse Onderwijsbestel cu ta hayando atencion.
