Minister di Enseñansa a entrega reconocemento na 37 hubilario di DEA
Recientemente Minister di Enseñansa Endy Croes tabata presente na JFK Education Center na ocasion di un celebracion special.
Departamento di Enseñansa Aruba (DEA) a organisa un evento pa reconoce hubilarionan di e departamento hunto cu Ministerio di Enseñansa den nomber di Gabinete Wever – Croes II. Den nomber di Gobierno di Aruba a reconoce 37 hubilario cu a cumpli 25, 30, 35 y 40 aña den servicio di Gobierno cual ta un total di 1095 aña di servicio.
E mandatario a sigui bisa; nos a tuma e decision den Ministerio cu nos ta bay te aña 2010. Un total di 37 persona a haya un reconocemento nan a ricibi un certificado di aprecio y un “notebook” personalisa cu nan nomber graba y e logo di Ministerio di Enseñansa cu a ortoga e detaye aki.
E tabata un ceremonia hopi bunita y ameno unda e directora di DEA sra. Anne Marie Proveyer-Groot tambe a wordo reconoci pa su añanan di servicio den Gobierno, a hiba palabra y a conta un anecdota di cada un di e hubilarionan.
E mandatario a sigui bisa; cada un tin su parti particular den e departamento cu e ta traha aden. Minister Endy Croes a sigui bisa cu e tabata un momento di aprecio cu hopi honor a otorga e blocknote como un recuerdo bunita pero tambe como aprecio pa nan trabou, pasion, dedicacion y nan amor cu nan a inverti den enseñansa di Aruba. Di curason hopi pabien na cada un di bosonan!
Info / Contact
Pa mas informacion por busca den e alfabet menu riba homepage:
Por tuma contacto cu:
Scroll To Top
