Minister a reuni cu Sociaal Maatschappelijk Werkers di DPS
Recientemente e Minister encarga cu Enseñansa (Croes) tabatin su prome encuentro cu e “Sociaal Maatschappelijk Werkers” (SMW’ers) di Dienst Publieke Scholen (DPS), e directiva cu ta resorta directamente bou di Ministerio di Enseñansa.
Fuente: Isla Online
Durante e reunion e SMW’ers a vocifera diferente punto di preocupacion y kico nan mester pa mehoracion di nan trabou. Entre otro a trata (1) e deseo pa ampliacion y (2) areglo husto di “kilometervergoeding” pa e trabou cu nan ta eherce.
Tambe a bin dilanti e sugerencia pa uni tur e SMW’ers di e diferente Directivanan di Scol na Aruba pa asina por duna un ayudo mas organisa y caminda un por yuda otro.
Minister Croes di su banda ta reconoce e trabou importante di e profesionalnan aki pa cu nos studiantenan den enseñansa, y tambe como un sosten grandi pa tur nos docentenan.
E SMW’ers a expresa di ta hopi contento cu a haya oportunidad pa reuni cu Ministerio di Enseñansa.
Info / Contact
Pa mas informacion por busca den e alfabet menu riba e pagina principal:
Pa informacion di contacto:
Scroll To Top
