Pregunta y Contesta
Control y Supervision
Ken ta controla e enseñansa obligatorio? Ken ta supervisa enseñansa obligatorio?
Lesa mas: > Control y Supervision
Ki ora e scol ta tuma contacto cu e empleadonan publico di enseñansa obligatorio?
- E scol ta esun prome responsabel pa tuma medida contra ausencia escolar.
- E empleado publico di enseñansa obligatorio ta asisti e scol den su maneho contra ausencia escolar, ora cu esaki ta necesario.
- E scol ta manda tur e datonan di ausencia di su alumnonan pa e empleadonan publico di enseñansa obligatorio via e resumennan mensual.
- Ora cu e empleadonan publico di enseñansa obligatorio constata a base di e resumen mensual cu un alumno a haya 10 biaha of mas codigo V registra, e ora ey e empleado publico di enseñansa obligatorio tin di actua.
Inscripcion
Con bo ta cumpli cu enseñansa obligatorio?
Mayornan/cuidadonan mester inscribi nan yiu na tempo na un scol reconoci pa enseñansa obligatorio. Por acudi na e scolnan pa mas informacion tocante inscripcion.
> Aki por dowload un lista cu informacion di contacto di e scolnan na Aruba.
Inscripcion ta tuma luga basta tempo adelanta, cuminsando den luna di december te cu luna di februari, cu ta precede e aña escolar nobo.
Mas informacion: > Inscripcion y kitamento for di e registro
Pa mas informacion por tuma contacto tambe cu: > Bureau Leerplicht Aruba
- Ta hopi importante pa haya scol pa bo yiu.
- Mayornan/cuidadonan tin cu manda nan yiu(nan) tur dia scol.
- Mucha cu ta haya enseñansa na cas tambe mester cumpli cu e ley di enseñansa obligatorio. (Lesa mas: Enseñansa na cas).
- E empleadonan publico di enseñansa obligatorio ta controla si e muchanan en berdad ta haya enseñansa.
