Kerndoelen
Na inicio di 2018 Minister di Ensenañsa (dr. A. R. Lampe) a aproba e metanan nucleo pa enseñansa primario, esta pa tur scol preparatorio y basico na Aruba. E metanan aki ta describi tur locual cu tur scol mester logra alcansa cu nan alumnonan na final di scol primario. E metanan aki ta pa tur scol cu ta subsidia door di gobierno di Aruba.
Vision
E vision cu kier alcansa cu e metanan nucleo ta: “Enseñansa cu sentido cu ta conduci na individuo consciente y na un comunidad solidario”. Cu e vision aki ta aspira pa yuda forma futuro cuidanano capacita pa enfrenta reto riba diferente tereno den bida y alaves crea cuidadano cu ta contribui na un manera positivo na nos comunidad. Meta nucleo ta duna descripcion general di e contenidonan di enseñansa y ta indica locual ta aspira pa alcansa na final di scol primario. E metanan ta forma un instrumento primordial cu ta duna indicacion na cada maestro tocante e contenido minimal cu e mester ofrece na e alumnonan. E metanan nucleo ta consisti di tres componente: conocemento, habilidad y actitud. E metanan nucleo ta garantisa contenido di calidad y mas importante, contenido relevante pa nos muchanan na Aruba den un contexto autentico. E metanan nucleo mester conduci na alcansa e vision cu a stipula pa enseñansa na Aruba.
Kerndoelendocument
E kerndoelendocument ta e prome edicion oficial pa Enseñansa Primairo na Aruba cu lo tin un status legal. Esaki ta nifica cu tur scol primario (tanto preparatorio como basico) cu gobierno ta subsidia, ta aspira pa alcansa e metanan na final di enseñansa primario. E documento ta consisti di tres parti: (1) Informacion general di e vision pa Enseñansa cu splicacion di e structura di e kerndoelen; (2) Descripcion di e ‘vakoverstijgende kerndoelen’; (3) E metanan nucleo pa cada area di formacion. E areanan di formacion ta e cuadro di cual ta ordena e curiculo y percura un curiculo varia y amplio. Ta distingui e siguiente areanan di formacion:
- Kerndoelendocument Arubaans Primair Onderwijs
- Implementatieplan invoering kerndoelen Primair Onderwijs
Kerndoelenwerkdocumenten
Kerndoelenwerkdocument ta un documento den cual ta concretisa e metanan nucleo pa cada aña escolar. Pa alcansa e meta nucleo di e area di formacion a describi meta (streefdoelen) pa enseñansa preparatorio y pa enseñasa basico. Ta elabora e metanan aki den metanan intermedio (tussendoelen) pa cada klas, esta di preparatorio y di klas 1 te cu klas 6. E kerndoelenwerkdocument ta mantene un liña di siña pa asina percura pa na final di scol basico ta alcansa e metanan nucleo. E ta posibel cu lo por tin diferente liña siña pa alcansa e metanan nucleo na final di scol basico.
E intencion di un kerndoelenwerkdocument ta pa esaki ta un documento dinamico cu ta cambia a base di experencia y feedback di e usarionan, cu ta e maestronan, team di scol y directiva di scol. Pa duna feedback riba e documento por manda esaki digitalmente a base di un lista di pregunta cu ta acopla na cada kerndoelenwerkdocument.
Kerndoelen werkdocument Rekenen & Wiskunde
Kerndoelen werkdocument Taal & Communicatie - Nederlands
Noticia
- Dia Nacional di Estudio di SAM tawata un exito (11/14/2019)
- Dia Nacional di Estudio di Scol Arubano Multilingual (10/10/2019)
- Minister ta aproba metanan nucleo pa scol primario (3/27/2018)
- Kerndoelen Primair Onderwijs (doc) (8/1/2017)
- Seminario di Kerndoelen pa Scol Preparatorio (6/1/2017)
- Training Kerndoelen Rekenen & Wiskunde plus (10/16/2016)
- Prueba Nacional di Matematica (4/11/2016)
- Kerndoelen presenta na docentenan di kleuterschool (10/22/2015)
Info / Contact
DEA afdeling Curriculum Ontwikkeling
