ABO Kwalificatiedocumenten
Innovacion den Enseñansa Profesional na Aruba ABO
Enseñansa profesional na Aruba (EPB y EPI) ta den e proceso inicial di innovacion. A cambia e forma con ta describi e metanan final di un estudio profesional/ opleiding. Si antes tabata formula e metanan aki den forma di terminonan final ‘eindtermen’, awor ta formula esakinan di un manera mas funcional. E sistema nobo tin como meta pa trece enseñansa mas cerca di e mundo empresarial. E metanan final di un profesion lo consisti di tareanan nucleo (‘kerntaken’) reparti den procesonan di trabou (werkprocessen) corespondiente. Asina e mundo empresarial ta reconoce e metanan, cu un estudio profesional ta exigi, mas miho. Lo implementa e innovacion den enseñansa den forma gradual. E implementacion di e sistema nobo tin un ‘triple cualificacion’ (drievoudige kwalificatie) pa percura pa un bon funcion manera crea:
- Un bon profesional principiante;
- Un bon coneccion pa enseñansa avansa;
- Un bon preparacion pa participacion y integracion exitoso den nos comunidad/sociedad.
E meta di Arubaanse Beroeps Onderwijs (ABO) ta pa operacionalisa e ‘triple cualificacion’ aki den un forma optimal y ta aplica e sistema di ‘Beroepsgerichte kwalificatiestructuur’ (BKS). Cada estudio profesional/ ‘Beroepskwalificatie’ ta consisti di tres documento. Den e documentonan aki ta describi e metanan final dirigi riba:
- un profesion (Beroepskwalificatiedocument BKD)
- topiconan di escogencia (Keuzedelen)
- formacion general (Generieke kwalificatie-eisen)
Beroepskwalificatiedocumenten BKD
Keuzedelen
Generieke kwalificatie-eisen
Ta aplica ABO den e scolnan di EPB y EPI y ta ofrece actualmente enseñansa profesional riba cuater nivel: nivel 1, nivel 2, nivel 3 y nivel 4. E nivelnan di ABO ta ekivalente na e structuranan internacional reconoci pa loke ta siñamento. ABO ta uza e ‘descriptoren’ di nivel NLQF (Nederlands kwalificatieraamwerk NLQF) como referencia:
- ABO-nivel 1, practicante como asistente profesional;
- ABO-nivel 2, practicante como profesional basico;
- ABO-nivel 3, practicante como profesional independiente;
- ABO-nivel 4, practicante como profesional specialisa;
Ta distingui 7 sector di profesion, (*no ta tur ta activo ainda):
- Zorg & Welzijn
- Economie, Administratie & Handel
- Techniek, Bouw & ICT
- Toerisme, Recreatie & Horeca
- Cultuur & Media*
- Onderwijs & Talen*
- Milieu, Groen & Dier*
ABO ta ofrece enseñansa atractivo pa diferente grupo di interes. Pa e motibo aki ta ofrece un sistema flexibel cu ta brinda e oportunidad na e participantenan cu tin e perspectiva pa drenta sea mercado laboral di biaha of ta opta pa sigui cu un estudio mas avansa. Pa tene cuenta cu e situacion aki ta brinda dos ruta como escogencia:
- ‘Arbeidsmarktroute’ ta prepara e candidato pa drenta mercado laboral como profesional principiante. Pa un recien graduado riba e ruta aki cu ta desea di sigui estudio avansa, por scoge pa otro programa cu e exigencianan rekeri pa sigui studia sea na Aruba of den exterior.
- ‘Doorstroomroute’ ta prepara e candidato pa continua cu un estudio. Na final di e estudio e candidato ta dispone di e exigencianan necesario pa por continua cu un estudio profesional avansa. E exigencianan pa por sigui un estudio avansa ta describi den e ‘Generieke onderdelen Taal & Rekenen’. Pa cierto estudionan ta rekeri mas exigencia y dominio riba un nivel mas halto. E exigencianan aki ta describi den e ‘Doorstroom Keuzedelen’ cu ta mara na e estudio.
Beroepskwalificatiedocumenten
Den e tabel akibou tin un lista di e estudionan y di nan respectivo ‘keuzedelen’ di enseñansa profesional intermedio basa riba e beroepskwalificatie structuur (BKS).
Info / Contact
DEA afdeling Curriculum Ontwikkeling
