Inscripcion pa Prueba di Naturalisacion a cera
Departamento di Enseñansa Aruba (DEA), seccion Examenbureau, ta informa cu e inscripcion pa e Prueba di Naturalisacion (Naturalisatietoets) pa aña 2020 a cera.
Manera informa por a tuma un maximo di 75 candidato pa e inscripcion. Mirando cu a yega 75 candidato, e inscripcion a cera.
Pa motibo di e situacion di e Coronavirus (COVID-19) e pruebanan lo no wordo tuma mesora. Siguiendo e desaroyo di e coronavirus lo dicidi ki luna lo tuma e pruebanan.
Prueba
E Prueba di Naturalisacion desde 1 di januari 2011 ta consisti di un (1) componente di conocemento di nos comunidad y structura estatal, cuater (4) componente di idioma Papiamento y cuater (4) componente di idioma Hulandes. Departamento di Enseñansa Aruba pa medio di su Examenbureau ta encarga specificamente cu e Prueba di Naturalisacion y no tin ningun participacion den henter e proceso di naturalisacion.
E proceso di Naturalisacion ta na encargo di Gabinete di Gobernador di Aruba.
Info / Contact
Pa mas informacion por busca [N] Naturalisatietoets of [P] Prueba di Naturalisacion den e alfabet menu riba homepage.
- Pa informacion di e Prueba di Naturalisacion por contact: DEA – Examenbureau
- Pa informacion di e proceso di Naturalisacion mester contact: Gabinete di Gobernador di Aruba
