Inscripcion pa estudio pa maestro di Enseñansa Primario
Instituto Pedagogico Arubano (IPA) ta recorda cu ultimo dia pa inscribi pa e estudio pa maestro di Enseñansa Primario ta diabierna 12 di februari.
Bo kier aporta na e formacion di nos muchanan? Bo ta un persona cu por carga responsabilidad y traha independientemente of den ekipo? Bo ta curioso y creativo? Si e contestanan ta si, e ora e estudio pa maestro di Enseñansa Primario, cu IPA ta ofrece, ta e estudio ideal pa bo. E estudio pa maestro di Enseñansa Primario ta forma maestro cu ta cualifica pa duna les na mucha di scol preparatorio y/ of scol basico: un maestro cu ta funciona competentemente den klas, na scol y den un ambiente social.
Inscripcion
Tin dos ruta pa por yega na haci e estudio di maestro di Enseñansa Primario, pa medio di:
- diploma di sea havo, vwo of mbo nivel 4 (Si bo ta den examenklas di havo, vwo of mbo nivel 4 tambe bo lo tin cu inscribi di awo);
- 21+ Toets. Inscripcion pa e 21+Toets a cera caba for di 12 di november 2020, dus no ta posibel mas pa inscribi pa 21+ Toets pa aña academico 2021-2022.
Bo tin diploma di sea havo, vwo of mbo nivel 4 of ta den examenklas y bo ta sinti bo yama pa haci e estudio aki y ta desea di inscribi? Bishita e website di IPA ipaaruba.com, bay na aanmelden y scoge pa beroepstest. Riba e pagina aki lo bo haya informacion general di e beroepstest. Tambe instruccion pa loke ta trata e procedura di inscripcion cu lo tuma luga online.
Tuma tempo pa lesa e informacion pasobra esaki ta sumamente importante pa por facilita e proceso di inscripcion y preparacion pa haci beroepstest.
Ultimo dia pa inscribi
E ultimo dia pa inscribi pa e estudio pa maestro di Enseñansa Primario ta 12 di februari 2021. Despues di e fecha aki no por inscribi mas pa aña academico 2021-2022.
Tene na cuenta cu solamente studiante den examenklas of graduado di havo, vwo of mbo nivel 4 por inscribi pa e estudio pa maestro di Enseñansa Primario.
Pa mas informacion tambe por bishita e website ipaaruba.com y si tin cualkier pregunta, por tuma contacto cu Studenten Services na 5243100.
Arubalening pa studia na IPA
Land Aruba ta brinda esnan cu kier studia na IPA un prestamo pa facilita e studiante cu su gastonan di estudio. Mas informacion:
Info / Contact
Pa mas informacion por busca den e alfabet menu riba nos pagina principal:
Por tuma contacto cu:
Scroll To Top
