Finalisacion IPA Spring Minor: Globalization, Diversity, Multilingualism & Education
IPA ta sumamente contento pa anuncia cu 17 studiante di Hogeschool Arnhem y Nijmegen (HAN), Katholieke Pabo Zwolle (KPZ) y IPABO di Amsterdam y Alkmaar a completa exitosamente e IPA minor titula International Minor Globalization, Diversity, Multilingualism & Education cu un balor di 30 EC.
E programa a consisti di varios tayer, training, excursion, stage na scol basico of scol secundario si nan ta studia un materia specifico den scol secundario, manera biologia, geografia, Hulandes of matematica. Tur studiante di minor a finalisa nan semester cu presentacion di un investigacion practico cu nan a haci den enseñansa na Aruba.
Topico di investigacion
E studiantenan a haci trabou di investigacion riba diferente topico:
- Teun van de Sande – Toetsen in eigen taal
- Eva Schouten en Rens ten Hove – Bewegend leren
- Zhaisky Kock en Elizabeth Helder – Translanguaging
- Chloë Ruiz – Studievaardigheden
- Lucas Berg – Vermenigvuldigen en delen met het handelingsmodel
- Daphne Brouwer – Omgaan met werkdruk
- Ellen Metselaar – Lezen met begrip
- Inge Knol en Robin Oosterwijk – Coöperatieve werkvormen
- Maaike Magielse – Leesmotivatie
- Lotte Koers – Klankgebaren
- Tess Waag – Leesmotivatie
- Iris Westerveld – Bewegend leren
- Katja Roga – Grammatica strategiën voor Arubaanse leerlingen
IPA ta felicita tur studiante cu nan logro y ta desea nan hopi exito den nan aña di finalisacion di estudio.
Ademas, IPA kier menciona specialmente e tres participantenan Arubiano di HAN: Chloë Ruiz, Zhaisky Kock y Elizabeth Helder cu a pasa nan practica na Colegio Nigel Matthew y nan dedicacion pa e comunidad y trabou boluntario!
IPA ta gradici e scolnan di practica y e guianan di Rosario College, Schakel College, Mon Plaisir basisschool, Paulus School y Colegio Arubano.
Pa mas informacion tocante International Minor por tuma contacto cu Gregory Goedgedrag MSc.,Coordinador di International Office di IPA, na gregory.goedgedrag@ipaaruba.com of cu
International Officer pa Hulanda y Belgica, Ingrid Captain MSc., na ingrid.captain@ipaaruba.com .
Info / Contact
Pa mas informacion por busca den e alfabet menu riba nos pagina principal:
Por tuma contacto cu:
Scroll To Top
