Festival di Buki pa Mucha: Tayer pa Maestro
Den cuadro di e anual Festival di Buki pa Mucha, Biblioteca Nacional Aruba (BNA) ta ofrece un workshop na e maestronan di scol primario, basico y special.
E meta di e workshop ta pa duna guia y idea na e maestro con pa stimula mucha pa lesa mas y lesa hunto den klas pa medio di un presentacion online. Esaki ta accesibel for di dia 27 di september 2021 riba biblioteca su website bibliotecanacional.aw y YouTube channel Biblioteca Nacional Aruba.
Facilitadornan pa e tayer ta sr. Mirto Laclé, sr. Richard Dabian y sra. Rosy Abreu. Tambe e tayer ta ofrece inspiracion na maestro/a con pa incorpora e tema den contamento di storia y otro expresionnan creativo pa cu e tema.
Docentenan cu ta registra ta haya mas informacion via email.
Biblioteca Nacional Aruba ta ofrece mas informacion tocante e festival pa medio di su website. Pa pregunta riba e organisacion por email sra. Yosmar Maduro-Sneek na y.sneek@bibliotecanacional.aw of yama number di telefon 528 1539.
Festival 2021
Biblioteca Nacional Aruba ta presenta su evento anual, Festival di Buki pa Mucha, dianan 8 pa 12 di november 2021.
E Festival di Buki pa Mucha ta e campaña anual mas grandi di Biblioteca Nacional Aruba pa stimula lesamento cerca mucha. E interes pa e festival semper ta grandi di parti di e scolnan na Aruba.
E tema di e festival 2021 ta: “Ta loke bo kier ta” cu su lema: “Ora mi bira grandi, mi kier bira …”
E aña aki muchanan rond Aruba por cuminsa soña di nan profesion den futuro. Ta kico ta nan soño pa futuro? Kico nan kier siña? Y ki profesion ta mustra nan atractivo? Na 2021 ta celebra e profesionnan di futuro y laga mucha contesta e pregunta ‘Kico bo ke bira dia bo bira grandi?” Koki? Tecnico? Artista? Bibliotecaria? Docente? Cunucero? Piloto? Kico?
E presentacionnan pa mucha lo bay via television canal 23 TeleAruba, Social media, scol y na biblioteca mes.
Na 2021 nos ta gradici WEB Aruba N.V. como e sponsor principal pa e festival.
Autor y Ilustrador
12 autor di buki pa mucha y ilustrador ta duna un contribucion na e proyecto anual di Biblioteca Nacional Aruba. Den studio di biblioteca ta prepara diferente presentacion di autor di buki pa mucha. Autornan cu ta participa ta di Aruba, Corsou y Hulanda.
Autornan cu biblioteca a invita for di Hulanda ta: Lizzy van Pelt, Annemarie Jongbloed, Petra Heezen (ilustrado), Jeroen Hoogerwerf, Evelien van Dort.
For di Corsou: Mercee Doran y Tio Ali.
E autornan di Aruba ta: Robby Solognier (ilustrado), Lorena Boekhoudt-Almary, Maribelle Arends, James Ocalia y Sarah-Quita Offringa.
Info / Contact
Biblioteca Nacional Aruba (BNA)
Scroll To Top
