Exposicion di buki pa mucha na Papiamento
Recientemente Proyecto Idioma di Departamento di Enseñansa Aruba (DEA) a participa na e Feria di Papiamento organisa pa Fundacion Lanta Papiamento (FLP).
E feria a tuma luga diadomingo, dia 26 di mei 2019, na Centro di Bario Playa Pabou. Tabatin seso sport, wega di Papiamento, show di baile y hopi mas.
Proyecto Idioma di Departamento di Enseñansa Aruba (DEA) tabata eynan cu un exposicion di e bukinan pa mucha cu DEA a publica. Fundacion Bon Nochi Drumi Dushi (BNDD) tambe tabata situa den e mesun sala, nan a bende buki.
Tabatin un bunita cooperacion entre BNDD y DEA; Randy Ras (BNDD) a lesa e buki “E stichi di Richi” pa e muchanan presente. Esaki ta un publicacion di DEA cu Lorena Boekhoudt-Almary a skirbi. Despues Angelique Maduro (DEA) a duna e muchanan e buki regalo. Tambe e muchanan por a scoge un plachi di bestia cu a aparece den e storia y kleur esaki.
Info / Contact
Pa mas informacion por busca [L] Lesamento of [P] Papiamento den e alfabet menu riba homepage of por tuma contacto cu DEA > Proyecto Idioma
Scroll To Top
