Examen di Economie MAVO 2021
Dia 12 di mei ultimo Dienst Inspectie van het Onderwijs, Departamento di Enseñansa y e directivanan di scol di Mavo, a reuni cu e meta pa yega na un solucion pa e problematica di centraal examen Economie/M&O na Mavo.
Na inicio di aña escolar 2020-2021 durante di reunion di e AVO-kerngroep (directivanan di scol, Inspectie van het Onderwijs y Departamento di Enseñansa) a keda palabra cu e programa ta keda mescos y cu e centraal examen pa tur materia lo tuma luga segun e programa di examen. E directivanan di scol lo a comunica esaki na nan scolnan, pa asina e docentenan por a prepara nan alumnonan, ofreciendo e materia completo como preparacion pa e centraal examen na mei 2021.
Sinembargo a surgi un situacion den cual varios docente di mavo a indica cu nan alumnonan no a haya parti di e materia di Economie/M&O. Esaki tin como consequencia cu e alumnonan di mavo lo no ta bon prepara pa e centraal examen di e materia Economie/M&O.
Durante e encuentro cu directivanan di scol di mavo, Departamento di Enseñansa y Inspectie di Onderwijs, Examenbureau Aruba a ofrece diferente opcion pa asina soluciona e problematica, pa asina e alumno no wordo perhudica durante e centraal examen.
Solucion
E directivanan DPS, Stichting Combina, SPCOA, SKOA y SAA na un forma unanimo a scoge pa un solucion. Mirando cu e centraal examen pa e vak Economie/M&O na mavo ta consisti di 2 parti, 1 examen Economie y 1 examen M&O (1 vak si, cu 1 punto), e directivanan a scoge lo sigiuente;
- Den tijdvak 1 2021 ta traha e examen M&O (2 ora).
- Den tijdvak 2 2021 ta traha e examen Economie.
- Alumnonan cu a scohe na april 2021 pa traha e vak Economie/M&O durante tijdvak 2, lo haci e examen di e vak completo den tijdvak 2.
- Despues di e resultado di tijdvak 2, lo fiha e punto pa e vak Economie/M&O. E alumno eventualmente lo por scoge pa haci un ‘herkansing’ den tijdvak 3.
- Den tijdvak 3, e herkansing ta pa examen di Economie/M&O (completo).
- Durante e periodo di 31 mei pa 14 juni (entre tijdvak 1 y 2) scol lo ofrece e materia di Economie cu falta na e alumnonan.
E bentaha di e procedemento aki ta cu e alumnonan lo ricibi e materia cu falta pa e vak Economie na scol mes den e periodo entre tijdvak 1 y tijdvak 2. Cu esaki e alumnonan lo cumpli cu e metanan final manera stipula den eindtermen y examenprogramma. Asina e alumnonan lo ta mas miho prepara pa sigui nan estudio na havo of EPI.
Logistica
Lo tuma e sigiuente pasonan logistico pa por haci e procedemento aki posibel.
- Scolnan lo trece bek e envelopnan di examen Economie/M&O na Examenbureau riba diaranson 12 di mei prome cu 4.30 pm.
- Examenbureau lo saca e examen di Economie di e envelop y lo seya e envelop (conteniendo e examen di M&O) atrobe. Dialuna 17 di mei 2021 directornan di scol lo por acudi desde 8.00 am na Examenbureau pa busca bek e envelopnan.
Mas informacion
Lesa mas tocante examen 2021:
