Encuentro di POC
Den Haag – Na Cas di Aruba (Arubahuis) a tuma lugar den fin di siman un encuentro informal cu e miembronan di e Plaatselijke Opvangcommissies (POC).
 |
| Potretnan cortesia di Arubahuis |
E POC ta consisti di studiantenan Arubiano cu ya caba ta studiando na Hulanda y cu conhuntamente cu e studiementor ta organisa e opvang pa e grupo di studiante cu ta biniendo Hulanda pa cuminsa cu nan estudio.
Directora di Cas di Aruba Shandra John a yama e miembronan di POC y e studiementornan bonbini y a bisa di ta contento cu hopi miembro di POC a acepta e invitacion. Sra. John a acentua e importancia di e trabou di POC den guia di nos studiantenan den nan prome dianan na Hulanda. Alabes sra. John a bisa cu e meta di e encuentro aki ta pa e POC for di diferente ciudadnan haci conoci cu otro y intercambia riba ideanan y sugerencianan pa e opvang di e aña aki.
E idea pa e encuentro aki a bin dilanti durante di e anochinan cu studiantenan rond di Hulanda. Tur presente a expresa cu nan a haya e encuentro hopi exitoso y tabata contento di e haya e oportunidad pa conoce otro y intercambia idea y experencia.
 |
Info | Contact
Pa mas informacion por busca den e alfabet menu riba homepage: [S] Studia na Hulanda] of por tuma contacto cu: Kabinet van de Gevolmachtigde Minister van Aruba – Arubahuis
Scroll To Top
