EduCanada Aruba Fair 2017
Ministerio di Enseñansa di Aruba conhuntamente cu e Embahada di Canada ta organisa e prome edicion di EduCanada Aruba Fair dia 6 di september proximo, cu presencia di diferente Universidad y College Canades y institutonan local.
 |
E EduCanada Fair ta wordo organiza na diferente pais rond mundo y e biaha aki a toca Aruba pa host e evento. EduCanada Aruba Fair 2017 ta un Higher Education Fair comparabel cu un College and Career Fair y lo conta cu presencia di diferente Universidad y College Canades como tambe nos mesun institutonan local. EduCanada Aruba Fair 2017 ta e resultado di e cooperacion extenso y positivo di e ultimo dos añanan entre Aruba y Canada unda cu a logra sera diferente acuerdo cu institutonan Canades pa haci studia na Canada mas accesibel y atractivo pa nos hobennan di Aruba. |
Participacion
E institutonan Canades cu ya a confirma nan presencia ta Bishop’s University, Carleton University, Seneca College, Centennial College, Niagara College y Humber College.
Pa loke ta nos institutonan local lo ta presente Universidad di Aruba, Instituto Pedagogico Arubano (IPA), Colegio EPI, Academy of Fine Arts and Design y tambe International School of Aruba lo ta presente pa duna informacion di e programa GED.
Departamento di Enseñansa tambe lo ta presente pa duna informacion di Arubalening y e Embahada di Canadalo duna presentacion general riba biba y studia na Canada.
Invitacion
Ministerio di Enseñansa, Embahada di Canada y tur e institutonan cu ta participa ta invita tur studiante, educador, mayor y tur interesado pa bin bishita e EduCanada Aruba Fair 2017 diaranson dia 6 di septemberproximo di 2:00 pm pa 7:00 pm na Renaissance Convention Center.
EduCanada Aruba Fair 2017 ta habri pa publico general y entrada ta completamente gratis.
Mas informacion
- Website: educanada.ca
- ea.aw: Studia na Canada
- ea.aw: Acuerdonan formalisa entre Aruba y Canada
Info / Contact
Pa mas informacion por busca den e alfabet menu riba homepage: [S] Studia na Canada of por tuma contacto cu DEA > afdeling Studiefaciliteiten.
Scroll To Top
