DUO webinar y checklist
Pa yuda esnan cu ta bay studia na Hulanda entrante augustus 2024, Dienst Uitvoering Onderwijs (DUO) a produci un webinar y a prepara un checklist pa tur e asuntonan cu mester regla.
Webinar
Na luna di april ultimo hopi studiante a acudi na e encuentro informativo di DUO na Aruba. Pa esnan cu no por tabata presente, DUO ta ofrece un webinar cu hopi informacion. Den e webinar por scucha tocante tur locual mester regla relaciona cu “studiefinanciering” na Hulanda. Tambe ta splica con pa haya un “burgerservicenummer” (BSN), dicon e studiante mester e BSN y kico tur e por haci cu ne. Den e webinar tambe ta splica tocante peticion pa un “DigiD”, asuntonan di banco, asuntonan di seguro y ta duna hopi tips practico.
E webinar ta dura mas o menos 45 minuut. Por wak esaki na cualkier momento via e website di DUO:
Checklist
Banda di e webinar DUO ta ofrece e checklist “Studeren in Nederland voor studenten uit het Caribisch gebied”, un lista di tur e asuntonan cu e studiante mester regla pa e por bay studia na Hulanda. Recientemente a adapta y amplia e lista aki cu algun video practico:
Mas informacion
Pa mas informacion:
Info / Contact
- DUO website: duo.nl/antillen
- DUO facebook page DUO Studiefinanciering voor hbo & universiteit
- DUO facebook page: DUO studieschuld terugbetalen Antillen @studieschuldantillen
