DUO webinar: Studiefinanciering aanvragen vanuit het Caribisch gebied

April 1, 2022

Abo ta bay studia e aña academico benidero na Hulanda? E ora ey tin hopi asuntu practico cu mester regla e lunanan benidero.

Webinar

Pa yuda bo cu esey DUO ta organisa riba 12 di april pa 19.30 or e webinar “Studiefinanciering aanvragen vanuit het Caribisch gebied: de praktische zaken”.

Contenido di e encuentro di informacion

Den e webinar aki bo lo haya tur informacion tocante locual bo tin cu regla pa bo financiamento di estudio na Hulanda, manera entre otro:

Con bo ta pidi financiamento di estudio
Kico bo mester haci di manera cu DUO por paga bo e placa
Kico bo mester regla pa bo por biaha cu e producto pa studiante
Con bo por regla bo asuntonan online den Mijn DUO
Y con ta para cu e asunto di pagamento bek di bo debe di estudio

Bo lo ricibi tambe tipnan practico tocante otro asuntonan cu bo mester regla na Hulanda, manera un burgerservicenummer, un DigiD, un cuenta di banco y un seguro di cuido.

Bo por wak e webinar cu subtitulo na Ingles. Na final lo manda un checklist practico pa bo.

Registracion

Participacion na e webinar ta gratis. Bo por registra bo mes aki:

duo.nl/webinar

Combersacion personal

Bo tin pregunta ainda despues di e webinar? E ora ey bo por yama, e-mail of chat cu DUO. Bo por haci un videocall tambe, segun afspraak. Bo ta prefera pa DUO yama bo? Laga e ora ey bo number di telefon atras. Bo ta haña tur dato di contacto aki: