Bo tin plan pa bay studia na Hulanda otro aña? Asisti na e reunion informativo di Dienst Uitvoering Onderwijs (DUO): ‘Aplica pa financiamento di estudio for di Caribe: con e ta funciona?’.

Contenido di e encuentro di informacion

Durante e reunion aki, lo bo scucha di kico e financiamento di estudio ta consisti, con y ki ora bo mester aplica pa financiamento di estudio y kico mas bo mester regla. Claro, tin espacio pa haci pregunta tambe.

E reunion lo tuma lugar dialuna 7 di november pa 7:00 di anochi den John F. Kennedy Education Center na Stadionweg 37, Oranjestad.

Webinar

Bo no por asisti e reunion? E ora bo por wak e webinar gratis ‘Studiefinanciering aanvragen vanuit het Caribisch gebied: hoe werkt het?’. Bo por wak e webinar cu subtitulo na Ingles.

Oficina di servicio temporal

Si ainda bo tin pregunta of mester di ayudo pa yena formulario? E ora bo por bishita e oficina di servicio temporal di DUO na John F. Kennedy Education Center. No ta necesario pa haci cita adelanta, pero, bo mester trece un prueba di identificacion valido si.

Mas informacion

Pa mas informacion por bishita e webiste di DUO:

• duo.nl/bezoekantillen.

Reunion informativo ‘Paga bek for di Caribe’

Bo kier sa con paga bek ta funciona y ki opcion bo tin? Wel, bin e reunion informativo tocante pago for di Caribe. E reunion lo tuma lugar diamars 8 di november pa 7 or di anochi na John F. Kennedy Education Center na Stadionweg 37, Oranjestad.

Durante e reunion informativo aki lo scucha mas di entre otro:

• e suma mensual y den cuanto tempo bo ta paga;
• kico bo por haci si bo cuota mensual ta demasiado halto;
• con pago local ta funciona;
• kico bo por haci si temporalmente bo no por paga.

Bo por haci pregunta tambe.

Oficina di servicio temporal

Bo kier un conversacion personal cu un cooperador di DUO? Bishita e oficina di servicio temporal di DUO na John F. Kennedy Education Center. E cooperadornan tambe por yuda bo si bo no tin acceso (mas) na Mijn DUO of si bo mester di ayudo pa yena formulario. No ta necesario pa traha cita delanta. Pero, bo mester trece un prueba di identificacion valido si. Ainda bo no a aplica pa un reduccion di bo suma mensual? Hiba cu bo un declaracion di entrada di servicio di impuesto di 2021.

Otro opcion pa contacto

Bo tin mas pregunta despues di e bishita di DUO na Aruba? Bo por yama, manda un mail of chat cu DUO. Bo por haci videocall tambe, cu cita.

Mas informacion

Pa mas informacion por bishita e webiste di DUO:

• duo.nl/bezoekantillen

Si ainda bo tin pregunta of mester di ayudo pa yena formulario? E ora bo por bishita e oficina di servicio temporal di DUO na John F. Kennedy Education Center. No ta necesario pa haci cita adelanta, pero, bo mester trece un prueba di identificacion valido si. E orario di servicio ta: