• Un programa di estudio ta ser considera acredita ora cu un asociacion profesional relevante ta considera cu e programa di estudio como acredita y ta cumpli cu normanan profesional di calidad, estableci y reconoci internacionalmente.

• Un instituto educacional ta ser considera reconoci ora cu e gobierno di un pais, of un organo representando e gobierno di e pais, ta considera e instituto educacional como reconoci y e diploma otorga na final di e estudio ta forma parti e sistema di enseñansa (legalmente reglamenta) di e pais.

Aki por haya un lista di “goedgekeurde accreditatieorganen”:

• Goedgekeurde Accreditatieorganen (juli 2024)

Pa por bin na remarca pa un “Arubalening” e instituto di educacion mester ta reconoci/acredita. Pa mas informacion di Arubalening:

• Arubalening Portal

Por haya mas informacion aki:

• Erkenning lokale medische opleidingen

Por haya informacion y guia den scogemento di estudio na seccion Studiefaciliteiten en -begeleiding di Departamento di Enseñansa Aruba. Tambe por haya mas informacion aki:

• ea.aw > Scoge un estudio

• E instituto educacional ‘online’ ta reconoci na e pais di estudio pa e autoridadnan relevante?
• E programa(nan) educacional ‘online’ ta acredita pa asociacion(nan) profesional relevante?
• Cuanto placa (‘lesgeld’) tin cu paga mensual/anualmente pa sigi e curso?
• E cursista ta haya tur material di estudio ‘online’ of e tin cu cumpra cierto buki(nan) apart?
• E instituto tin tutornan disponibel den caso cu un studiante no a compronde algo?
• Di e cantidad di studiantenan cu ta matricula tur aña, ki promedio ta completa e curso/programa di estudio cu nan a sigui y den cuanto tempo?
• E cursista tin acceso 24/7 pa cursonan ‘online’ of mester sigui cursonan riba dia y oranan specifico?
• Con ta comunica cu e instituto educacional ora tin un disputa financiero?

SEA ALERTO: Tin hopi instituto educacional ‘online’ cu ta confiabel, sinembargo, tin hopi compania riba internet cu nan unico meta ta pa ESTAFA hende diariamente via nan website!

• Un ‘Diploma Mill’ ta un ‘instituto educacional’ cu ta den e negoshi di bende of otorga diploma cu no tin NIUN BALOR academico of profesional.
• Hopi biaha e institutonan educacional aki ta bisa cu nan ta ACREDITA, den letternan GRANDI, sinembargo e acreditacion cu nan tin ta di organisacionnan cu nan mes a lanta cu tampoco tin NIUN MERITO den circulo academico y/of profesional!
• Semper mester CONTROLA si e instituto academico ta reconoci y acredita pa e autoridadnan competente.
• Pa yuda haci e determinacion aki Departamento di Enseñansa ta conseha interesadonan pa subi e websitenan di NVAO, CHEA y RIACES, y repasa e informacion cu tin encuanto reconocemento di diploma, acreditacion y ‘diploma mills’.