Cumbre Plan Educacion Nacional 2030
Recientemente Minister di Enseñansa, Ciencia y Desaroyo Sostenibel, dr. Armando Lampe, a hiba palabra durante e cumbre Plan Educacion Nacional 2030.
E Plan Educacion Nacional 2030 (PEN 2030) ta e plan di maneho pa cu educacion en general na Aruba.
Minister Lampe a splica cu muchanan ta central y cu educacion a bira mas universal y cu no ta tuma luga mas solamente entre murayanan di un scol. Nos educadornan mester ta consciente cu nos calidad di enseñansa no ta igual mas cu e realidad di bida. Un mucha awendia tin otro necesidad di enseñansa cu muchanan di 10 aña pasa y como docente, lider of educador nos mester adapta nos mes na esey.
Den un sala completamente yen di educador y algun stakeholders den enseñansa a presenta e PEN 2030 y a motiva esnan presente pa carga e plan y traha conhuntamente pa e plan keda wordo adapta ora cu mester y claro pa e wordo ehecuta pa na final nos logra pa enberdad e calidad y e realidad ta igual cu otro.
Appel di Oro
Durante e cumbre Minister Lampe a haci entrega tambe di e premio Appel di Oro 2018.
Den categoria pa maestro/a e ultimo tres nominadonan tabata sra. Nicole Villada (St. Franciscus College), sra. Minoushka Falconi-Toppenberg (Colegio Sagrado Curason) y sr. Bas Willemsen (EPB Horeca San Nicolas).
Finalmente Nicole Villada (St. Franciscus College) a ricibi e Appel di Oro pa Maestra aña 2018.
Den categoria pa dirigente e ultimo tres nominadonan tabata sra. Maritza Carrion (Scol Preparatorio Cacique Aterima), sra. Sonja Goedhoop (Commandeur Pieter Boer Kleuterschool) y sra. Nadine Kirindongo (Sint Franciscus College).
Finalmente Maritza Carrion (Scol Preparatorio Cacique Aterima) a ricibi e Appel di Oro pa Dirigente aña 2018.
Den e categoria di proyecto e ultimo 3 nominadonan tabata: Nos Hofi di Scol Caiquetio, MO-B Lab (Bus inovativo) di Christie Mettes y Desaroya material pa les ZMLK-niveau di Scol Dun’un Man.
Proyecto “Nos Hofi” (Scol Caiquetio) a ricibi e Appel di Oro pa Proyecto aña 2018.
Den e categoria pa “Lifetime Achievement” e ultimo 3 nominadonan tabata: sr. Reginald Altman (Filomena College MAVO), sra. Joyce Pereira (Colegio Arubano y IPA) y sr. Tommy Grant (EPI Ciencia & Tecnologia).
Sr. Reginald Altman (Filomena College MAVO) a ricibi e Lifetime Achievement Award aña 2018.
Den un proximo articulo lo elabora mas riba e premiacion Appel di Oro 2018.
Fuente: Facebook page Armando Rudy Lampe – Minister Enseñansa, Ciencia, Desaroyo Sostenibel
Info / Contact
Pa mas informacionpor busca [M] Ministerio di Enseñansa y/of [A] Appel di Oro den e alfabet menu riba homepage of por tuma contacto cu Ministerio di Enseñansa
Scroll To Top
