Conferencia “Enseñansa, nos responsabilidad”
Dia 10 di mei proximo G297 den colaboracion cu Sindicato di Maestro di Aruba (SIMAR) y Instituto Pedagogico Arubano (IPA) ta tene un conferencia titula: “Enseñansa, nos responsabilidad”.
G297 desde inicio a enfoca riba tereno di enseñansa den nos comunidad. Como tal a tuma e initiativa pa organisa e Conferencia y na caminda a haya sosten di tanto IPA y tambe SIMAR. Pa e organisadornan ta comun cu enseñansa como instituto ta di suma importancia pa desaroyo di un pais, tanto na nivel comunitario, como na nivel individual.
Cu e conferencia aki e organisadornan kier aporta na optimalisa funcionamento y rendimento di nos enseñansa den tur aspecto. Loke tambe ta uni e organisadornan den e meta nos dilanti ta e hecho cu nos comunidad pa loke ta trata enseñansa a yega na un crusada cu si nos mes no tuma rienda den nos man, otronan lo difini e rumbo cu enseñansa na Aruba mester tuma. Organisadornan di e Coferencia ta di opinion cu Aruba tin suficiente profesional capacita pa por fija un maneho di enseñansa coherente y duradero pa e era moderno di siglo 21. Cu tambe por duna guia na e proceso di innovacion di enseñansa. Sin embargo organisadornan di e Conferencia ta consiente cu pa por realisa tal meta, mester di cooperacion di tur esnan envolvi den enseñansa y henter comunidad.
‘ENSEÑANSA, NOS RESPONSABILIDAD’ por wordo analisa di diferente angulo, pero pa e organisadornan di e Conferencia dos punto ta resalta, esta nos propio responsabilidad pa evita cu otronan lo difini e futuro di educacion general di nos hobennan y nos responsabilidad cu ta encera un vision cu ta unicamente cu participacion di nos tur, esta cada un di nos, pero conhuntamente mester carga e responsabilidad aki.
Enseñansa den practica ta un asunto compleho y conoce multiple faceta. Ta imposibel ta atende den un solo conferencia cu tur aspecto den un biaha. Organisadornan despues di amplio consulta cu veld, pero tambe cu dirigentenan den enseñansa a yega na seis topico pa e Conferencia aki, esta:
• Enseñansa continuo y sin barera
• Lenganan den enseñansa
• Reto y perspectiva di/pa e maestro na pia di trabao
• Profesionalisacion continuo di e maestro
• Enseñansa cu sentido nacional/internacional
• Ehecucion y financiamento proyectonan di innovacion
Registra
E evento ta tuma luga na IPA, na Isaac Wagemakerstraat 11 San Nicolas Aruba. Cuponan ta limita pa atende e conferencia on-campus.
Pa sigui e conferencia online por registra aki:
Info / Contact
- [I] Instituto Pedagogico Arubano (IPA)
- Sindicato di Maestro di Aruba (SIMAR)
