Colaboracion cu University of South Carolina

March 2, 2022

Recientemente Minister di Enseñansa y Deporte (Endy Croes), hunto cu Prome Minister di Aruba (Wever-Croes) y Minister di Labor, Energia y Integracion (Glenbert Croes) a reuni cu Presidente (Harris Pastides) y representantenan di University of South Carolina (USC).

Durante e reunion a trata e colaboracion entre Universidad di Aruba (UA) y USC riba tereno di “tourism and hospitality” pa nos studiantenan cu ta continua nan estudio na Merca.

Tambe a papia riba e estudio di “Sport Management” cu University of South Carolina ta brinda pa asina sondea e posibilidad pa por cuminsa cu un estudio di “Sport Management” den un intercambio cu e Universidad.

Tambe USC ta ofrece un tremendo programa pa locual ta trata organisacion di eventonan deportivo. A intercambia idea pa un posibel seminario tocante esaki pa nos hendenan mas meymey den aña 2022.