Codigo di Proteccion: Supervisor di Codigo
Recien a cuminsa cu e curso di “train de trainers” pa cu e rol di e Supervisor di Codigo. E rol nobo cu ta recomenda na cada directiva di scol y stakeholder pa tin.
Un di e meta di esaki ta, pa ekipa nos propio yiunan di tera cu conocemento riba e tematica aki, esta abuso di mucha, pa asina e informacion y experencia por ta brinda y comparti cu nos profesionalnan na Aruba. E veld di enseñansa ta uno grandi y ta consisti di basta profesional cu ta traha cu mucha y hoben. No ta un luho, pero mas bien ta un necesidad pa tin un persona asigna pa e rol di Supervisor di Codigo.
E Supervisor lo bay ta:
- E profesional experto riba e tereno di Codigo di Protecion, caminda lo bay sostene y conseha e coleganan den veld riba e ehecucion di e decreto nacional aki;
- Tambe e Supervisor di Codigo lo bay yuda duna conseho riba nivel di maneho interno na sea directiva di scol of na un di e otro stakeholders den e setting di enseñansa;
- Y por ultimo lo bay ta e profesional asigna pa tin e contacto cu otro instancia of organisacion pafor di su veld, na momento cu mester di mas sosten, por ehempel Bureau Sostenemi.
Lesa mas den e Boletin informativo di Codigo di Proteccion, vol. 6
Abo sa unda pa busca ayudo?
- Pa conseho ora tin sospecho di abuso di menor yama Bureau Sostenemi na 5881010.
- Pa conseho pa famia y lantamento di mucha y hoben yama Centro pa Hoben y Famia na 5281200.
- Pa informacion tocante sexualidad y prevencion yama Famia Planea Aruba na 5889591.
- Pa ayudo cu violencia domestico yama FHMD Fundacion pa Hende Muhe den Dificultad na 5671670.
- Pa ayudo psicologico y problema mental yama Respaldo na 2815000.
- Pa informacion tocante addicion di droga y alcohol yama Fada Aruba na 5832999.
Info / Contact
Pa mas informacion por busca den e alfabet menu riba nos pagina principal:
Por tuma contacto cu:
Scroll To Top
