Biahe pa Hulanda cu Arubalening
DEA ta recorda studiantenan cu dia 1 di juli 2024 ta e ultimo dia pa indica si kier of no kier biaha pa Hulanda cu e grupo organisa pa Arubalening. Despues di e fecha aki no por haci cambio mas.
Studiantenan cu a haci un peticion digital pa un Arubalening pa sigui cu nan estudio na Hulanda entrante september 2024 y a scoge na e opcion aanvullende product pa Arubalening NL Reisproduct tin te cu dia 1 juli 2024 pa indica na seccion di Studiefaciliteiten (Arubalening) si nan ta haci uzo di e Arubalening NL Reisproduct.
Arubalening NL Reisproduct ta encera cu e studiante ta biaha pa Hulanda hunto cu e vuelo organisa pa Arubalening. Departamento di Enseñansa Aruba ta paga e ticket y e suma di e ticket ta wordo kita for di e startpakket di Afls.15.000,-. Esaki por lesa bek den e overeenkomst tot geldlening 2024-2025 tambe.
Con pa indica?
Mester informa seccion Studiefaciliteiten via WhatsApp 594-4140 OF via mail arubalening@ea.aw si ta desea di biaha cu e grupo organisa pa Arubalening of si no ta desea di bay mas cu e grupo organisa. Dia 1 di juli 2024 ta e ultimo dia pa haci e cambio aki.
Den e Arubalening Portal e studiante por wak si el a scoge pa e Arubalening NL Reisproduct.
Fecha di biahe
Fechanan tentativo pa e studiantenan cu ta biaha pa Hulanda cu e vuelo organisa ta dianan 4 y 5 di augustus 2024. No ta descarta cu por bin un vuelo adicional. Nos lo publica esaki na final di juli 2024, na momento cu reparti e studiantenan riba e vuelonan organisa segun e ciudad caminda nan ta bay studia.
Info / Contact
Pa mas informacion relaciona cu Arubalening por busca den e alfabet menu riba nos pagina principal:
Por tuma contacto cu:
Sigui nos via e social media pages:
- DEA facebook: @educationaruba
- DEA instagram: @educationaruba
