Biahe di grupo grandi di studiante pa Hulanda
Departamento di Enseñansa Aruba (DEA) conhuntamente cu Arubahuis y KLM ta urgi studiantenan cu no ta biaha pa Hulanda mas, pa notifica e seccion encarga cu Arubalening di esaki.
Ta trata aki di e grupo di studiante cu a aplica pa un Arubalening entrante augustus 2020, como tambe pa un reisticketkrediet pa biaha cu e grupo grandi.
Pa e grupo aki inicialmente tabatin dos buelo planea riba dianan 2 y 3 di augustus proximo. Mirando cu e grupo a sigui crece a bin acerca un buelo (riba dia 1 di augustus). Sinembargo entretanto a drenta mas o menos trinta (30) cancelacion di parti di e studiantenan.
Cambionan di ultimo momento no ta bin sin consecuencia financiero of di planificacion.
Studiante cu no ta bay mas mester notifica Arubalening
Pa e motibo aki e departamentonan concerni ta urgi e studiantenan cu pa un of otro motibo no ta bay Hulanda e aña aki mas cu e grupo di studiante, pa notifica e seccion encarga cu Arubalening no mas tarda cu diahuebs dia 2 di juli di esaki.
Motibo pa esaki ta cu unabes KLM print e ticket riba nomber di e studiante, esaki no por wordo kita mas. Consecuentemente e studiante lo hay’e cu un debe di ticket innecesario.
Por notifica e seccion encarga cu Arubalening door di yama na tel 528 3400 of manda un email na arubalening@ea.aw.
Info / Contact
Pa mas informacion por busca [S] Studia na Hulanda den e alfabet menu riba nos pagina principal.
Tambe por sigui nos via e social media pages (facebook y instagram) di ambos Departamento di Enseñansa Aruba @educationaruba y Onderwijszaken Arubahuis @onderwijszakenarubahuis pa keda up to date cu tur informacion oficial.
Scroll To Top
