Arubalening y Seguro na Hulanda
Departamento di Enseñansa Aruba (DEA) ta informa cu a provee tur studiante cu “Arubalening“ cu seguro na Hulanda.
Un studiante cu ta bay studia na Hulanda ta haci 2 fiansa. Un ta e “DUO lening“ y e otro parti ta un prestamo adicional cu ta e “Arubalening Nerderland“. E ultimo aki ta consisti di un “Startpakket“ y “Termijnuitbetalingen“.
E startpakket ta consisti di e componentenan “Reisticketkrediet“, “Verzekeringskrediet“ y “Start“.
E sumanan di Reisticketkrediet, Verzekeringskrediet y Start conhuntamente ta forma e Arubalening Startpakket. E suma maximo di e Startpakket cu por otorga na studiante ta Afl. 15.000,=.
Ley di Seguro na Hulanda
Hulanda a introduci un ley nobo di seguro cu ta stipula cu tur persona cu ta muda pa Hulanda mester ta sigura. A base di e ley Hulandes aki, studiantenan cu Arubalening 2016-2017 ta sigura desde 30 di juli 2016 te 31 december 2016 na Hulanda.
Tin dos tarifa cu ta wordo brinda na studiante.
- Tarifa 1 ta e “Studentenverzekering“ di € 54.50 pa luna. Arubahuis a cera un seguro colectivo pa asina studiantenan por goza di un tarifa atractivo.
- Tarifa 2 ta e “Basisverzekering“ di € 90.00 pa luna, cu ta conta specificamente pa studiantenan cu ta traha.
A base di e di dos tarifanan aki a yega na calculacion di un suma pa e “verzekeringscrediet“, cual suma no ta e debe di e studiante.
Ta calcula e debe final na fin di 2016 y ta depende di e seguro cu mester a paga pa cada studiante. E debe maximo por ta Afl. 1.100,=. Si e studiante no traha den e periodo di 30 di juli 2016 pa 31 di december 2016, e debe cu e studiante ta crea pa seguro lo ta 5 bes € 54.50. E resto di placa di e Afl. 1.100,- cu a kita di e Afl.15.000,- lo keda forma parti di e suma total cu por fia den cuadro di e Arubalening.
Den e contract cu e studiante a firma, esaki ta formula den articulo 4 como:
“De uitbetaling van de hoofdsom geschiedt in termijnuitbetalingen op het lokale bankrekeningnummer van Geldnemer in Arubaanse valuta. Afhankelijk van de studievoortgang omvat de hoofdsom één (1) startpakket ter grootte van maximaal AWG 15.000,=, elf (11) termijnuitbetalingen ter grootte van maximaal AWG. 3.181,82 een reisticketkrediet en een verzekeringskrediet met dien verstande dat de reisticketkrediet en de verzekeringskrediet inbegrepen zijn in de hoofdsom, bedoeld in artikel 1“.
Aña 2017
Conseho na tur studiante cu un “Arubalening Nederland Startpakket 2016 – 2017“ ta pa orienta y informa nan mes bon tocante basisverzekering y studentenverzekering na Hulanda. A base di e informacion aki e studiante por scoge pa entrante Januari 2017 si e ta sigui sigura su mes na un compania di seguro di Arubalening of ta scoge pa otro seguro estableci na Hulanda.
Pa percura cu tur studiante ta keda sigura na Hulanda, Arubahuis lo exigi pa e studiante cu kier cambia di compania di seguro desde januari 2017, manda Arubahuis un prueba cu el a segura su mes. Esnan cu no haci e cambio aki lo keda sigura via Arubalening y e gastonan pa e seguro lo wordo añadi na nan prestamo te cu e suma maximo cu por presta.
Info | Contact
Pa mas informacion por busca den e alfabet menu riba homepage: [S] Studia na Hulanda] of por tuma contacto cu: Kabinet van de Gevolmachtigde Minister van Aruba – Arubahuis
Scroll To Top
