Lifetime Achievement Award 2015
Nigel Matthew | Colegio San Nicolas
 |
Meneer Nigel Matthew a cuminsa su carera den ensenansa na aña 1970 na Academia di Arte na nos hermana isla Korsou. Na aña 1972 meneer Matthew a bin traha na Aruba, na Colegio Arubano. Despues di a traha 5 aña eynan meneer Matthew a wordo aserca pa run Colegio na San Nicolas. Esaki a strañ’e, manera el a bisa den su mes palabra: “Being an artist they asked me if I would like to run the Colegio in San Nicolas”. Pero, el a tuma e reto y a haci e trabou di pionero guiando e scol como cabesante. |
Nos tur sa cu arte ta meneer Matthew su passion. Pero tur su trabounan den enseñansa tambe ela haci cu hopi pasion. Su trabou ta su yamada den bida.
Cu tempo meneer Matthew bin realisa cu un mucha ta pasa basta aña na scol y como maestro bo tin hopi influencia, sea positivo of negativo. Meneer Matthew a bisa nos cu nos tur tin bon memoria y nos tur ta corda kico un maestro a yega di bisa nos, sea positivo of pa kibra nos. Y cu un maestro no mag laga niun mucha keda cu cicatriz.
Meneer Matthew ta haya cu e trabou di un maestro no ta pa siña e alumno cosnan cognitivo so, pero tambe pa educa. Semper ela eherce su trabou cu hopi empatia pa e alumno y semper e tabatin un bon relacion cu su alumnonan y cu nan mayornan. Den su carera ela ordo confronta cu hopi situacion social penoso y ela yuda hopi alumno den situacionnan dificil. Hopi alumno cu tabata enfrenta problemanan familiar o sicologico mara na fase di bida cu nan ta aden, a haya oido y yudansa cerca meneer Matthew. Cu tempo meneer Matthew a siña haya mas pasenshi, algo cu e ta haya hopi importante den e trabou.
Durante su carera semper ela lesa hopi y scucha good practices di otronan p’asina e desaroya su mes. Pa meneer Matthew un cabesante cu ta resalta den su trabou ta un cabesante cu ta traha cu su team, ta scucha su team y ta scucha su alumnonan. Teamwork ta hopi importante. Tambe e cabesante mester ta hopi consequent y rechtvaardig, straightforward, strict, honesto y fair.
Despues di a yega e edad di pensioen meneer Matthew a keda envoluncra den nos enseñansa, trahando riba contract. Aña escolar 2014-2015 tabata su ultimo aña, pero asina mes ela ofrece su experticio pa e aña escolar aki y a yuda prepara e rooster di Colegio San Nicolas.
Palabranan hopi bunita di meneer Matthew ta: “You as a student bring out the best in me”.
Meneer Matthew su gran deseo pa enseñansa na Aruba:
“Studying the psychology of the children in this modern age will help a teacher find the tools”.
 |
 |
