Aplicacion pa Prueba di Naturalisacion 2023
Seccion Examen di Departamento di Enseñansa Aruba ta informa cu inscripcion pa e Prueba di Naturalisacion (Naturalisatietoets) pa aña 2023 ta habri.
Fechanan
E prueba di Naturalisacion lo tuma lugar e siman di:
- 14 di augustus te cu 18 di augustus cu maximo di 20 candidato; (e toets aki ta solamente pa e parti di Hulandes);
- 28 augustus te cu 1 di september cu maximo di 20 candidato;
- 25 di september te cu 29 di september cu maximo di 20 candidato;
- 23 di october te cu 27 di october cu un maximo di 20 candidato;
- 20 di november te cu 24 di november cu un maximo di 20 candidato.
Inscripcion
Por inscribi solamente via e email adres, naturalisatietoets@ea.aw. Inscripcion na balie NO ta posibel.
Pa inscribi mester download, print, yena y firma e Formulario di aplicacion publica riba e pagina aki;
Despues mester manda un mail na naturalisatietoets@ea.aw cu e siguiente documentonan den forma digital:
- E formulario di aplicacion yena y firma;
- Copia di paspoort valido;
- Extracto di registro civil (Afl. 5,00);
- Si ta aplica pa ripiticion: verklaring cu resultado di examen haci anteriormente.
E inscripcion pa luna di augustus, september, october y november 2023 ta cera na momento cu 20 candidato, pa cada luna, inscribi.
Despues cu a inscribi, y tur e documentonan ta na ordo, lo manda un mail den cual ta informa cu e inscripcion a keda acepta. Den e mail ta indica e fechan(nan) di e prueba(nan) y ki dia e pago mester tuma luga.
Info / Contact
Pa mas informacion busca den e alfabet menu riba nos pagina principal:
Pa pregunta tocante cu e prueba di Naturalisacion por contact:
Pa informacion di e proceso di Naturalisacion mester contact:
Scroll To Top
