DEA ta introduci website Enseñansa Aruba | ea.aw riba Dia di Enseñansa
Dia 1 di Juli 2011, riba “Dia di Educacion y Enseñansa” na Aruba, Minister di Husticia y Enseñansa mr. drs. Arthur Dowers, durante un exposicion di proyecto y material pa scol, tabata tin e honor di lansa oficialmente e website Enseñansa Aruba | ea.aw.
E website ta un iniciativa di Departamento di Enseñansa Aruba (DEA), produci cu e intencion pa brinda un punto central di informacion relaciona cu Enseñansa na Aruba.
E cantidad grandi di informacion cu a compila a conduci na e siguiente structura pa e website:
Main menu
Den e main menu, por haya informacion general relaciona cu e Organisacion, Maneho y Structura di Enseñansa na Aruba. Tambe por haya Noticia relaciona cu Enseñansa na Aruba, mientras cu Documento & Publicacion lo sirbi como un tipo di database caminda por ‘download’ diferente documento y/of publicacion manera entre otro relato anual, rapport, foyeto y formulario.
Alfabet Menu
Den e alfabet menu por haya un cantidad di topico relaciona cu Enseñansa na Aruba, den orden alfabetico. Cu tempo lo sigui amplia e lista aki segun cu ta necesario.
Un website tin diferente bentaha. E ta ofrece e posibilidad pa brinda un cantidad grandi di informacion riba 1 solo adres, e informacion por wordo actualisa regularmente y ta accesibel 24 ora pa dia, 7 dia pa siman, tanto local como internacional.
E website ta na encargo di seccion “Informatie & Voorlichting” di Departamento di Enseñansa. Cu e website aki ta spera di aporta na e necesidad grandi cu tin pa un bista amplio di Enseñansa na Aruba.
Info / Contact
Departamento di Enseñansa Aruba (DEA)
Scroll To Top
