Dialoga tocante logro y bienestar di studiantenan
International School Leadership (ISL) ta un curso cu a wordo ofreci pa e conseho di cabesantenan di scol di Ontario, Canada na Aruba.
 |
A parti e lidernan di scolnan primario, secundario, preparatorio y avansa den cuater grupo pa e programa special, di cual e ultimo grupo a conclui nan programa recientemente.
Laura Sommerville, kende ta un di instructornan cu a encabesa e programa a laga sa cu en general, cu tur cuater grupo, nan a hiba combersacionnan bon tocante e logronan y bienestar di studiantenan na Aruba. Tur participante tabata hopi valioso den e combersacion aki, Sommerville a bisa. El a splica cu a papia tocante kico ta haci di un scol un institucion efectivo, kico ta wordo haci caba y kico mester wordo haci pa eleva un scol di ta un bon scol pa un scol “great”.
Un topico importante tabata “e lider efectivo”, kende ta esun cu ta lidera e proceso y e combersacionnan cu a tuma luga tabata fabuloso. Sommerville a comenta cu un aspecto cu el a haya special di e ultimo grupo tabata e participacion, banda di cabesantenan di scol, di e inspector, representantenan di e departamento di enseñansa y di e directivanan di scol.
“Nos tur ta scuchando e mesun mensahe y papiando e mesun idioma den terminonan di con nos kier sigui p’adilanti,” Laura Sommerville a remarca. E instructor a bisa cu un otro aspecto ta papiando di dje regardando e programa ta e continuidad, cu lo encera e oportunidad pa algun di e lidernan di Aruba biaha bay Ontario pa bishita algun scol y intercambia di opinion cu esunnan envolvi den e scolnan.
 |
Locual sigur nan por siña di e scolnan durante di un asina yama “study tour” ta con pa no haci e mesun foutnan cu a comete eynan. Si por siña di e foutnan ta evita pa nan ripiti na Aruba y lo tin solucionnan pa nan caba prome cu nan tuma luga.
E programa ISL na Aruba tabata un “wonderful experience” Laura Sommerville a bisa. |
Tur hende a siña hopi y awo ta cuminsa traha riba e siguiente pasonan pa tuma; tur hende tin e vision di kier sigui move pa dilanti.
Info / Contact
Pa mas informacion por busca den e alfabet menu riba homepage: [M] Ministerio di Enseñansa
Scroll To Top
