Diferencia segun nivel di studiante ta esencial
Durante e ultimo siman di Luna di Enseñansa a organisa un tayer specialmente na e docentenan, enfocando riba diferenciacion y kico por haci den un klas pa duna les na cada studiante segun su nivel.
 |
Minister di Enseñansa, Michelle Hooyboer-Winklaar a duna di conoce cu a pesar cu por tin un klas di 27 alumno, cada un di nan por tin diferencianan riba ki nivel nan ta, con lihe nan ta capta e lesnan, etc. Esey ta keda un aspecto hopi importante pa nos docentenan sa con pa diferencia den un klas pa por saca e maximo for di cada studiante.
E mandatario a remarca cu no ta trata simplemente di un “approach” sino cu e mucha aki por ta mas visual y e por haci miho uzando otro tipo di metodonan of hermentnan. E mucha mester wordo splica den un manera comprendibel. Esey ta e tipo di diferenciacion cu por tuma luga y ta mira cu e por tin su frutonan y e exito di cada studiante ta depende di esaki, el a agrega.
Diferenciacion ta un di e aspectonan cu lo rekeri y ta desea ta pa tin mas informacion tocante di dje. Pa esaki a invita un experto, Dr. Alisson Cross for di Merca. El a duna tayernan pa diferente tipo y nivel di scol. A cuminsa cu enseñansa special y a sigui pa basis y voortgezet.
Lo sigui trece tayer y guia pa maestronan domina e habilidad pa diferenciacion cu lo tin efecto riba prestacion di alumnonan.
Info | Contact
Pa mas informacion por busca den e alfabet menu riba homepage: [L] Luna di Enseñansa of por tuma contacto cu: Departamento di Enseñansa Aruba | Ministerio di Enseñansa
Scroll To Top
