Anochi di informacion
Representantenan di e compania di seguro na Hulanda “Insure to Study” ta organisa dos anochi di informacion pa studiante y mayor dianan 14 y 15 di maart proximo.
 |
Durante e anochinan di informacion lo trata e pakete di seguro cu nan ta brinda na studiantenan cu emigra pa Hulanda pa studia durante e aña academico 2016 – 2017.
E mayornan di studiantenan cu ya ta na Hulanda caba y cu ta desea di haya mas informacion tambe por acudi na e encuentro aki.
Na Hulanda tur persona tin e obligacion di sera un seguro. Ta conseha studiantenan di Aruba pa sera un seguro segun nan situacion. Esaki lo ta un “studentenverzekering” of un “basisverzekering”.
Tambe ta recomenda e studiante pa sera un “inboedelverzekering”, un “aansprakelijkheidsverzekering” y un “ongevallenverzekering”.
Studiante y mayornan cu ta desea di haya mas informacion relaciona cu e topico aki ta keda cordialmente invita pa asisti na un di e anochinan di informacion cu lo tuma luga dialuna dia 14 y diamars dia 15 di maart proximo, pa 7or di anochi den e auditorio di Colegio EPI.Meer informatie
Info / Contact
Pa mas informacion por busca den e alfabet menu riba homepage: [S] Studia na Hulanda of [S] Studentenverzekering of por tuma contacto cu DEA > afdeling Studiefaciliteiten.
Scroll To Top
