Evaluacion di diploma
Kico ta un diploma?
- Un diploma ta un prueba skirbi cu ta indica cu un persona a cumpli cu tur e rekisitonan di un programa di estudio legalmente reglamenta y ta domina cierto materia teoretico y/of practico.
- Mayoria biaha ta papia di diploma ora un persona a termina un programa di estudio legalmente reglamenta y a obtene su diploma di MAVO, HAVO, VWO, MBO, HBO of Universidad.
Kico ta un certificado?
-
Un certificado ta un prueba skirbi cu ta indica cu un persona a cumpli cu e rekisitonan di un curso teoretico of practico cu hopi biaha no ta legalmente reglamenta.
-
Un certificado ta indica cu e persona tin e conocemento teoretico of practico di cierto materia(nan) specifico.
-
E cursista ta ricibi un certificado ora el a sigui y a completa cursonan manera Middle Management, Waiter of Bartender, Carpinte, Lasmento y Cursonan di Microsoft.
-
E tipo di cursonan aki hopi biaha no ta forma parti di estudionan legalmente reglamenta y reconoci y como tal no ta ser balora ekivalente na e diplomanan cu si ta legalmente reglamenta manera di MAVO, HAVO, VWO, MBO, HBO y Universidad.
Kico un evaluacion di diploma ta encera?
- Un evaluacion di diploma ta encera cu departamento di enseñansa ta compara e diploma(nan) obteni den exterior, cu no ta forma parti di e enseñansa (legalmente) reglamenta na Aruba, cu e diploma(nan) local cu si ta forma parti di e enseñansa (legalmente) reglamenta na Aruba.
- Ora no tin un estudio semehante na Aruba, ta haci un comparacion cu e diploma y/of estudio(nan) semehante na Hulanda.
Pakico ta pidi un evaluacion di diploma?
- Un evaluacion di diploma ta yuda e institutonan cu ta forma parti di e sistema di enseñansa (legalmente) reglamenta na Aruba, manera EPI, IPA y Universidad di Aruba, determina si nan lo admiti un studiante particular cu un diploma stranhero na nan instituto.
- Un evaluacion di diploma tambe ta yuda departamentonan di gobierno y instancianan particular determina si nan ta bay nombra un persona den un funcion particular y/of unda lo ubica e persona den e compania su herarkia profesional.
Cua ta e instancianan cu por pidi un evaluacion di diploma na Aruba?
- E instancianan cu por pidi evaluacion di diploma na Aruba ta institutonan educacional cu ta cay directamente bou Gobierno y departamentonan di Gobierno.
- Na e momentonan aki Departamento di Enseñansa no ta ofrece e servicio aki na institutonan educacional cu no ta cay directamente bou Gobierno, companianan priva of hendenan particular.
- Ta recomenda laga haci evaluacion di diploma pa institutonan educacional cu no ta cay directamente bou Gobierno, companianan priva of hendenan particular na Nuffic, e organisacion oficial na Hulanda di evaluacion di diploma.
Unda mester dirigi un peticion pa evaluacion di diploma?
- Mester dirigi un peticion pa evaluacion di diploma na Departamento di Enseñansa Aruba.
Documento
Aki por download formulario di peticion pa documento(nan) certifica for di Exterior (diploma houder):
Info / Contact
DEA | Diploma Evaluatie
Scroll To Top
